ކ. ގުރައިދޫ އަލަށް ހިއްކި ސަރަޙައްދާއި ގޮނޑުދޮށް ހިމާޔަތްކުރުމުގެ މަސައްކަށް ކުރިއަށްދާގޮތް ރައީސުލްޖުމްހޫރިއްޔާގެ ނައިބު ފައިސަލް ނަސީމް ބައްލަވާލައްވައިފި އެވެ.
މި ދަތުރުފުޅުގައި އެމަނިކުފާނުގެ އަރިހުގައި އެމްޓީސީސީގެ ސީއީއޯ އާދަމް އާޒިމްވެސް ބައިވެރިވެ ވަޑައިގެންނެވިއެވެ.
ގުރައިދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތް އެމްޓީސީސީއާ ހަވާލުކޮށްފައިވަނީ 27 އޯގަސްޓް 2019 ގައެވެ. މި މަޝްރޫޢަށް ބޭނުަންވާ އީއައިއޭ ހުއްދަ އެކުންފުންޏަށް ލިބިފައިވަނީ 13 އޯގަސްޓް 2020 ގައެވެ. ކ. ގުރައިދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި ޕްރޮޖެކްޓް ސައިޓް މޮބިލައިޒްކޮށް މަސައްކަތަށް ބޭނުންވާ ބައެއް ސާމާނު އެރަށަށް ގެންގޮސްފައި ވަނީ 15 އޯގަސްޓް 2020 ގައެވެ.
CEO @adamazim and team has accompanied Vice President His Excellency @FaisalNasym on his visit to K. Guraidhoo to inspect the Land Reclamation and Shore Protection Project. #MTCCProjects pic.twitter.com/Ufr98gvF3r
— MTCC Plc (@MTCCPlc) July 31, 2021
މި މަޝްރޫޢުގެ ދަށުން 644،000 ކިއުބިކް މީޓަރުގެ ސަރަޙައްދުގެ ފަޅުފުންކޮށް ބިންހިއްކުމާއި، 1200 މީޓަރު ސަރަޙައްދެއްގައި ބޮޑުގަލުގެ ރިވެޓްމެންޓް ޖެހުން ހިމެނެއެވެ. މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާއި ޙަވާލުކޮށްގެން ކުރިއަށްގެންދާ މި މަޝްރޫޢުއަށް 85.9 މިލިއަން ރުފިޔާ ޚަރަދުވާނެ ކަމަށްލަފާ ކުރެވެއެވެ.
މި މަޝްރޫޢުގެ ދަށުން އެންމެ ބޮޑަށް ހިއްކާފައި ވަނީ ގުރައިދޫގެ ހުޅަނގު ފަރާތުންނެވެ. އެ ސަރަޙައްދުން 12.5 ހެކްޓަރުގެ ބިން ވަނީ ހިއްކާފައެވެ.
