100 މީޓަރަށްވުރެ އުސް ވެލީގެ ތޫފާނަކުން، ޗައިނާގެ، ގޯބީ ހަނަފަސް ސަހަރާގެ ހުޅަގު އުތުރުން އިންވެގެން އޮންނަ ސިޓީއެއް ކަމުގައިވާ ޑުންހުއާންގ ސިޓީ އެކީއެކަށް ފޮރުވިއްޖެއެވެ.
މި ވެލީގެ ތޫފާން މިސިޓީ ތެރެއަށް އައިރިގެން އައިއިރު، މަންޒަރު ދުށް މީހުން މިމަންޒަރު ސިފަ ކޮށްފައިވަނީ ފިލްމީ މަންޒަރެއްގައި ސިފަވެގެންދާ ކާރިސާއެއްގެ ގޮތުގައެވެ.
ޗައިނާގެ ސިލްކު ރޯޑުގެ ރަށްބޭރުގައި އޮންނަ، ތާރީޚި ގޮތުންވެސް މުއްސަދި އަދި ފަތުރުވެރިންގެ ސަމާލުކަންވެސް ވަރަށް ބޮޑަށް ހުއްޓިފައި އޮންނަ މި ސިޓީތެރެއަށް، މިހަފްތާގެ އާދީއްތަ ދުވަހު، މި ވެލީގެ ތޫފާން އަރައިގެން އައި ވަގުތު، ތުފާނުގައި އުފެދިގެންދިޔަ ވެލީގެ ވިލާތަކުން، ވަގުތުކޮޅަކަށް މި ސިޓީ އެއްކޮށް ގެއްލިގެން ދިޔައެވެ.
މި ސިޓީގައި ދިރިއުޅޭއް ޗައިނާގެ ރައްޔިތެއްކަމުގައިވާ ޒަހާންގ ލޯކަލް މީޑިއާއެއް ކަމުގައިވާ ޖިމު ނިއުސްއަށް މައުލޫމާތު ދެމުން ބުނެފައިވަނީ، ތުފާން އަރައިގެން އައިގޮތަށް ސިޓީގެ ތެރެއިން ދަތުރުކޮށް، ފަހެއް ނުވަތަ ހަ މިނިޓްގެ ވަގުތުކޮޅެއްގެ ތެރޭގައި ފައިބައިގެން ގޮސްފައިވާ ކަމުގައެވެ.
"އަހަރެންނަށް އެ ވަގުތު ކޮޅުގެ ތެރޭގައި އިރުގެ އަލިކަން ފެނިފައެއް ނުވޭ،" ގަންސު ޕްރޮވިންސްގައި އޮންނަ މިސިޓީއަށް ފާއިތުވި އަހަރުތަކުގައި މިފަދަ ތޫފާނެއް އައިސްފައިނުވާކަން ހާމަކުރަމުން އޭނާ ބުނެފައިވެއެވެ.
"އެންމެ ފުރަތަމަ އަހަރެން ވަށާލީ ވެލީގެ ތޫފާނުގެ ރީދޫ ކުލައިގެ ހިރަފުހުން، އެއަށްފަހު ކުލަ ބަދަލުވެގެން ދިޔައީ ރަތް ކުލައަށް، އެއަށްފަހު ކަޅުކުލައަށް."
ޑުންހުއާންގ އަކީ، ފަތުރުވެރިންގެ ތެރޭގައި މަޝްހޫރު އެތަކެއް ބިނާތަކެއް ހުންނަ ސިޓީއެކެވެ. މީގެތެރޭގައި ޔުނެސްކޯގެ ވާރލްޑް ހެރިޓޭޖް ސައިޓެއް ކަމުގައިވާ، ބުއްދާގެ ގަދީމީ ކުރެހުންތައް ކަޑާ ނަގާފައިވާ މޮގާއޯ ކޭވް ހިމެނެއެވެ.
ކޮންމެ އަހަރަކުވެސް، ފިނި މޫސު،މް ނިމި، ހޫނު މޫސުމް ފެށުމުގެ ކުރިން އަންނަ ސްޕްރިންގ ގައި، ވެލީގެ ތޫފާން މިސަރަހައްދަށް އައުމަކީ އާންމު ކަމެކެވެ. އެހެންނަމަވެސް، ހޫނު މޫސުމުގައި މި ސަރަހައްދަށް ވެލީގެ ތޫފާން އައުމަކީ އާންމު ކަމެއް ނޫނެވެ.
ކޮމެންޓު ފޮނުވާ