ރާއްޖޭގައި އަނދިރި ދައުލަތެއް ނެތްކަމަށް އަދާލަތު ޕާޓީގެ ރައީސް އަދި ހޯމް މިނިސްޓަރ އިމްރާން އަބްދުﷲ ވިދާޅުވެފައިވަނީ އެޕާޓީން މިހާރު ކުރިއަށް ގެންދާ މެމްބަރުން އިތުރު ކުރުމުގެ ޕްރޮގުރާމުގައި ބޭނުންވާ އަދަދަށް މެމްބަރުން ހަމަނުވެދާނެތީ ކަމުގައި ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރުން އިބްރާހިމް ރަޝީދު (ބޮންޑޭ) ވިދާޅުވެއްޖެއެވެ.
ހައްދުފަހަނާއެޅި ފިކުރުން ރާއްޖޭގެ ސަލާމަތަށް ނުރައްކާ ބޮޑުވެފައި ވިޔަސް ސަރުކާރުގެ ތެރޭގައި 'އަޑީ ދައުލަތެއް' އޮތް ކަމަށް ރަސްމީ އިދާރާތައް ހިމެނޭ ގޮތުން ކޮށްފައިވާ ތުހުމަތުތައް ހޯމް މިނިސްޓަރު އިމްރާން އަބްދުالله ވަނީ ދޮގުކުރައްވާފައެވެ. ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ބޮމެއް ގޮއްވާލައި ދިން ޓެރަރިސްޓު ހަމަލާއާ ގުޅިގެން ރައްޔިތުންގެ މަޖިލީހުގެ 241 ކޮމިޓީން ހިންގި އިންކުއަރީއަށް މައުލޫމާތު ދެއްވަމުން ސަލާމަތީ ހިދުމަތްތަކުގެ ބައެއް އިސްވެރިން ވަނީ ރާއްޖޭގައި ހައްދުފަހަނާއަޅައި ދިއުމުގެ ފިކުރު އޮތް މިންވަރުގެ މައްޗަށް ކަންބޮޑުވުންފާޅުކުރައްވައިފަ އެވެ
އިމްރާންގެ މިވާހަތަކާއި ގުޅިގެން ބޮންޑޭ ވިދާޅުވީ އަނދިރި ދައުލަތެއް އޮތްކަމަށް ރާއްޖޭގެ ކައުންޓަ ޓެރަރިޒަމްގެ އެންމެ އިސްވެރިޔާ ވިދާޅުވެފައިވާއިރު، މިނިސްޓަރ އިމްރާނަށް އެކަން ސާފުނުވެ އޮތުމަކީ މައްސަލައެއްކަމަށެވެ. އަދި އިމްރާންގެ މިވަގުތުގެ އެންމެ ބޮޑު އަމާޒަކީ ޕާޓީއަށް 10،000 މެމްބަރުން ހަމަކުރުން ކަމަށްވާއިރު، އެއަދަދަށް މެމްބަރުން ހަމަކުރެވެން އޮތީ އަނދިރި ދައުލަތް ރުއްސައިގެންކަމަށް ބޮންޑޭ ވިދާޅުވިއެވެ.
"އަނދިރި" ދައުލަތެއް ހިނގަމުންދާ ކަމަށް ކައުންޓަ ޓެރަރިޒަމްގެ އެންމެ އިސްވެރިޔާ ބުނަމުންދާއިރު ސަރުކާރުގެ ވަޒީރު އެކަމަށް އިންކާރު ކުރަމުންދަނީ އަދިރި ދައުލަތް ރުއްސައިގެން ނޫނީ އަދާލަތު ޕާޓީއަށް ދިހަހާސް މެމްބަރުން ހަމަކުރެވެންނެތީމައި ޕާޓީއަށް މެމްބަރުން ހަމަކުރަން!
– ބޮންޑޭ ވިދާޅުވިއެވެ.
ދިވެހިންގެ ތެރޭގައި ހަރުކަށި ފިކުރުތަކަށް ތަބާވާ 1500 އަށްވުރެ ގިނަ މީހުން އުޅޭކަން ފާހަގަކުރެވިފައިވާކަމަށް ސަލާމަތީ ޚިދުމަތްތަކުން ވަނީ ވިދާޅުވެފައެވެ. ނެޝެނަލް ކައުންޓަރ ޓެރަރިޒަމް ސެންޓަރުން ވިދާޅުވީ، ހަރުކަށި ފިކުރުތަކަށް ތަބާވެ ނުރައްކާތެރި ޓެރަރިސްޓް ޖަމާޢަތްތަކަށް ދިވެހިން ރެކްރޫޓްކުރުން ހުއްޓުވުމަށް ކުރާ މަސައްކަތުގައި، ދަޢުލަތުގެ ހުރިހާ ވުޒާރާއަކާއި، އާއްމުންގެ އެހީތެރިކަމާއި އެއްބާރުލުން ބޭނުންވާކަމަށެވެ.
މީގެ އިތުރުން ހަރުކަށި ފިކުރުގެ ހަރަކާތްތައް ހިންގާ އަދި މީހުން މަރަން ފަސްނުޖެހޭ 1400 އެއްހާ މީހުން ދޫވެފައި ތިބިކަމަށްވެސް ކަމާއިބެހޭ އިދާރާތަކުން ވަނީ ހާމަކޮށްފައެވެ.
