ވެރިކަންކުރާ މައި ޕާޓީ، އެމްޑީޕީގެ ލީޑަރޝިޕްގެ މުއްދަތު ހަމަވާނީ އަންނަ އަހަރުގެ ޖެނުއަރީގައިކަން، މެންބަރުންނަށް އެޕާޓީން ހަނދާންކޮށްދީފިއެވެ.
އެމްޕީޑީން ކުރި ޓްވީޓެއްގައި ބުނީ، އެޕާޓީގެ ޕާލިމަންޓްރީ ގްރޫޕްގެ ހިންގާ ޤަވާއިދުގައިވާ ގޮތުން މިހާރު އޮތް ލީޑަރޝިޕްގެ މުއްދަތު ހަމަވާ ތާރީޚަކީ އަންނަ އަހަރުގެ ޖެނުއަރީ 2ގައިކަމަށެވެ. އެތާރީޚް ސާފުކުރުމަށް ބައެއް ޢާންމު މެންބަރުން އެދެމުންދާތީ އެކަން ސާފުކޮށްދިނީކަމަށްވެސް އެމްޑީޕީން ބުންޏެވެ.
Partyge Parliamentary Group ge Hingaa Qawaidhugai vaa gothun mihaaru oiy leadership ge mudhdhathu hamavaa thaareekh akee 02 January 2022 eve. E thaareekh saafukurumah baeh aammu memberun edhemun dhaathee dhenneveemeve.
— MDP Secretariat (@MDPSecretariat) July 10, 2021
އެމްޑީޕީގެ ލީޑަރޝިޕްގެމުއްދަތު ޖެނުއަރީގައި ހަމަވަނެކަން އެޕާޓީން ހަނދާންކޮށްދީފައިވާއިރު، ޕާޓީގެ ޕާލިމަންޓްރީ ގްރޫޕްގެ ތެރޭގައާއި، ލީޑާރޝިޕްގެ ތެރޭގައި ވަނީ ވަރަށް ބޮޑަށް ޚިޔާލުތަފާތުވުން އުފެދިފައެވެ. އެގޮތުން ރައީސް ނަޝީދަށް ތާޢީދުކުރައްވާ މެންބަރުންނާއި، ރައީސް ޞާލިޙަށް ތާޢީދުކުރައްވާ މެންބަރުންގެ މެދުގައި ދަނީ ހޫނު ބަހުގެ ހަމަލާތައް ދައްދުކުރައްވަމުންނެވެ.
އެމްޑީޕީގެ ލީޑަރޝިމްގެ މުއްދަތުހަމަވުމާއި ގާތްވަމުންދާއިރު، މެއި މަހުގެ 6 ވަނަ ދުވަހު ރައްޔިތުންގެ މަޖިލިހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދަށް އަމާޒުކޮށް ދިން ޓެރަރިސްޓު ހަމަލާއާއި ގުޅިގެން، އެމަހުބޭއްވުމަށް ހަމަޖެހިފައިވާ އެމްޑިޕީގެ ގައުމީ މަޖިލިސް އިންތިޚާބު ވަނީ ސެޕްތެމްބަރު މަހަށް ފަސްކޮށްފައެވެ.
