އިރާގުގާއި ސީރިއާގައި ހަރަކާތްތެރި ވަމުންދާ ހަގުރާމަވެރިންނަށް އަމާޒުކޮށް އެމެރިކާއިން ދީފައިވާ ވައިގެ ހަމަލާތަކުގެ ބަދަލުގައި، އިރުމަތީ ސީރިއާގައި ތިބޭ އެމެރިކާގެ ފައުޖުތަކަށް، ހަގުރާމަވެރި ހަމާއަތްތަކުން ރައްދު ހަމަލާ ދީފައި ވާކަމަށް، މި ސަހަރައްދުގެ ހަގުރާމައިގެ ހާލަތު ދިރާސާކުރާ ފަރާތްތަކުން ބުނެފިއެވެ.
މިހަމަލާތަކަކީ، ސީރިއާގައި ހަރަކާތްތެރި ވަމުންދާ ހަގުރާމަވެރި ޖަމާއަތްތަކަށް އަމާޒުކޮށް އެމެރިކާއިން ކުރީ ރޭ ދީފައިވާ ހަމަލާތަކުގެ ރައްދުގައި، މިޖަމާއަތްތަކުން އެމެރިކާގެ ފައުޖުތަކަށް އަމާޒުކޮށް ދީފައިވާ ހަމަލާތަކެކެވެ.
އިރާގާއި ސީރިއާގައި ހަރަކާތްތެރިވާ ބައިނަލްއަގުވާމީ އަސްކަރީ ކޯލިޝަންގެ ތަރުޖަމާން ކާނަލް ވެއިން މަރޮއްޓޯ ވިދާޅުވި ގޮތުގައި އެމެރިކާގެ ފައުޖުތަކާ ދެކޮޅަށް ގިނަ އަދަދެއްގެ ރޮކެޓް ހަމަލާތަކެއް ފޮނުވާލާފައިވާ ވާކަމަށެވެ. އެހެންނަމަވެސް، މިހަމަލާތަކުގެ ސަބަބުން އެއްވެސް މީހަކަށް އަނިޔާ ވެފައި ނުވާ ކަމަށްވެސް އޭނާ ވިދާޅުވެފައި ވެއެވެ.
އޭނާ ވިދާޅުވި ގޮތުގައި، އެމެރިކާގެ ފައުޖުތަކުންވަނީ، މި ރޮކްޓްތައް އުދުއްސާފައިވާ އަމާޒުތަކަށް ބެޓެރީ އާރޓިލަރީގެ ބޭނުން ކޮށްގެން ރައްދު ހަމަލާ ދީފައެވެ.
ދަ ސީރިއަން އޮބްޒަވޭޓަރީ ފޯރ ހިއުމަންރައިޓްސްއިން ބުނެފައިވާ ގޮތުގައި، އިރާނުން އެހީތެރިވެދޭ ހަތިޔާރުއެޅި ޖަމާއަތްތަކުންވަނީ، ސީރިއާގެ އިރުމަތީގައި، އަލް-އުމަރު ތެޔޮވަޅުތައް ހުއްނަ ސަރަހައްދުގައި ގާއިމް ކޮށްފައިވާ އެމެރިކާގެ ބޭސްތަކަށް އަމާޒުކޮށް އެތަކެއް ރޮކެޓް ހަމަލާތަކެއް ދީފައެވެ. އަދި މިހަމަލާތަކުގައި މިލިޓަރީ ބޭސްތަކަށް ގެއްލުން ލިބިފައިވި ނަމަވެސް އެއްވެސް މީހަކަށް ގެއްލުމެއް ވެފައި ނުވާކަމަށްވެސް މައުލޫމާތު ދީފައި ވެއެވެ.
ސީރިއާގެ ދައުލަތުގެ މީޑިއާ ސަނާއިން ރިޕޯޓު ކޮށްފައިވާ ގޮތުގައި، "ހިފާފައިވާ އަލް-އުމަރު ތެޔޮ ވަޅުގައި ތިފި ފައުޖުތަކަށް އަމާޒުކޮށް މިސައިލް ހަމަލާތައް ދީފައިވާ،" ކަމަށެވެ. އެހެންނަމަވެސް މި ހަމަލާތައް ދީފައިވަނީ ކޮން ބައެއް ކަމެއް ހާމަކޮށްފައެއް ނުވެއެވެ.
މިހަފްތާގެ އާދީއްތަ ދުވަހު، ސީރިއާ އަދި އިރާގުގައި ހަރަކާތްތެރިވާ، އިރާނުން އެހީތެރިކަން ފޯރުކޮށްދޭ ހަގުރާމަވެރި ޖަމާއަތްތަކަށް އަމާޒުކޮށް އެމެރިކާއިން ދީފައިވާ ވައިގެ ހަމަލާތަކުގެ ބަދަލު ހިފާނެކަމުގެ އިންޒާރު މި ޖަމާއަތްތަކުން އެމެރިކާއަށް ވަނީ ދީފައެވެ.
ކޮމެންޓު ފޮނުވާ