މިހާރު ކުރިޔަށްދާ ޔުއެފާ ޔޫރޯ ފުޓްބޯޅަ މުބާރާތުގައި ފިންލެންޑް ބަލިކޮށް ރަޝިއާ އިން ފުރަތަމަ މޮޅު ހޯދަައިފިއެވެ.
މިރޭ ރަޝިއާގެ ކްރެސްޓޯވްސްކީ ސްޓޭޑިއަމްގައި ކުޅުނު މި މެޗުގައި ފިންލެންޑްގެ މައްޗަށް ރަޝިއާ ކުރި ހޯދީ 0-1 ގެ ނަތީޖާއަކުންނެވެ.
ޔޫރޯގައި ރަޝިއާ ކުޅުނު ފުރަތަމަ މެޗުގައި ބެލްޖިއަމް އަތުން 0-3 އިން ވަނީ ބަލިވެފައެވެ. ނަމަވެސް މި މެޗުން ހޯދި 3 ޕޮއިންޓާއެކު ރަޝިއާ މިހާރު އޮތީ ގްރޫޕް ބީގެ ދެވަނައިގައިއެވެ. އެއްވަނައިގައި ބެލްޖިއަމް އޮތްއިރު، ތިންވަނައި އޮތީ ފިންލެންޑްއެވެ. އަދި ގްރޫޕްގެ ފުލުގައި އެއްވެސް ޕޮއިންޓެއް ނުލިބި އޮތީ ޑެންމާކްއެވެ.
މި މެޗު ފަށައިގެން ތިންވަނަ މިނެޓުގައި ފިންލެންޑުން ވަނީ ލަނޑެއް ޖަހާ ލީޑު ނަގާފައެވެ. އެހެންނަމަވެސް ފިންލެންޑަށް ލަނޑު ޖަހައިދިން ޖޮއެލް ޕޮޖަންޕަލޯ އަށް ބޯޅަ ލިބުނުއިރު އޮފްސައިޑުގައި ހުރިކަމަށް ބަލާ ރެފްރީ ވަނީ މި ލަނޑު ބަލައިނުގަންނަން ނިންމާފައެވެ.
މި މެޗުގައި ރަޝިއާއިން ޖެހި ހަމައެކަނި ލަނޑު އެ ޤައުމުން ކާމިޔާބުކުރީ ފުރަތަމަ ހާފުގެ އިތުރު ވަގުތުގެ ތެރޭގައެވެ. މި ލަނޑު އެޓީމަށް ކާމިޔާބުކޮށްދިނީ، އަލެކްސޭ މިރަންޗުކް އެވެ.
ކޮލިފައިންގައި ރަޝިޔާ ދެން ކުޅޭނީ މި ގްރޫޕުގެ ފަހު މެޗެވެ. މި މެޗުގައި ބައްދަލުކުރާނީ މިމަހުގެ 22 ވަނަ ދުވަހު ޑެންމާކް އާއެވެ. އަދި ފިންލޭންޑް ބައްދަލުކުރާނީ މިމަހުގެ 22 ވަނަ ދުވަހު ބެލްޖިއަމް އާއެވެ.
ޔޫރޯ ގައި މިރޭ އަދި 1 މެޗު ކުޅޭނެއެވެ. ރާއްޖެ ގަޑިން 9:00 ގައި ފަށާ މި މެޗުގައި ބައްދަލުކުރާނީ ތުރުކީ އާއި ވޭލްސް އެވެ.
