މާލެއަށް އެރި ގަދަ ވަޔާއެކު، ސަލްޓަން ޕާކްގައި ހުރި ބޮޑު ގަހެއް ވެއްޓި އެ މަގު ބަންދުވެއްޖެއެވެ.
މާލޭގެ މޭޔަރު ޑރ.މުޙައްމަދު މުޢިއްޒު ވިދާޅުވީ،ވައިގަދަވެ ސަލްޓަންޕާކްގެ ގަހެއް ވެއްޓި ލިލީމަގު އެއްކޮށް ބަންދުވެފައިވާތީ، ވެއްޓުނު ގަސް ނެގުމުގެ މަސައްކަތް މިހާރު ފަށާފައިވާކަމަށެވެ.
ލިލީ މަގަށް ވެއްޓިފައިވަނީ ސަލްޓަންޕާކުގެ އެމަގަށްވާ ދޮރާއްޓާއި ދިމާލަށްހުރި ބޮޑު ގަހެކެވެ. ބޮޑު ގަހެއްވެއްޓި މަގު ބަންދުވެފައިވާއިރު، އެ މަގަކީ ދެކޮޅަށް ދުއްވާ މަގެކެވެ. މަގު ހުރަސްކޮށް ވެއްޓިފައިވާ ގަހުގެ ގޮފިތައް ސީއެޗްއެސްސީގެ ފުރާޅަށްވެސް ކޮންމެސްވަރަަށް ގޮފިތައް ވެއްޓިފައިވެއެވެ.
ވައިގަދަވެ ސަލްޓަންޕާކްގެ ގަހެއް ވެއްޓި ލިލީމަގު އެއްކޮށް ބަންދުވެއްޖެ. ވެއްޓުނު ގަސް ނެގުމުގެ މަސައްކަތް މިހާރު ވަނީ ފެށިފައި. pic.twitter.com/CaVWvhUNj6
— Dr Mohamed Muizzu (@MMuizzu) May 28, 2021
މިދުވަސްވަރަކީ ރާއްޖެއަށް ވިއްސާރ ދުވަސްވަރެކެވެ. އަދި ވިލާގަނޑުގައި ވައި ބާރުވަމުންދެއެވެ.
މޫސުމާއި ބެހޭ ޤައުމީ އިދާރާއިން ބުނެފައިވަނީ، ހުޅަނގުދެކުނާއި ހުޅަނގުން، އުތުރާއި މެދުރާއްޖެތެރޭގެ އަތޮޅުތަކަށް ގަޑިއަކު 17 މޭލާއި 27 މޭލާ ދެމެދުގެ ބާރުމިނުގައި ވައިޖެހޭނެކަމަށެވެ. ދެކުނުގެ އަތޮޅުތަކަށް ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައި ޖެހޭނެކަމަށާއި، ވިލާ ގަނޑުގައި ގަޑިއަކު ގާތްގަނޑަކަށް 45 މޭލު ބާރުމިނަށް ވައި ގަދަވުން އެކަށީގެެންވާކަމަށް މެޓް އޮފީހުން ބުންޏެވެ.
ކޮމެންޓު ފޮނުވާ