ރައީސުލްޖުމްހޫރިއްޔާގެ ނާއިބު ފައިސަލް ނަސީމް ކޯވިޑް-19އަށް ޕޮޒިޓިވްވެއްޖެއެވެ.
ނާއިބު ރައީސް ކޯވިޑަށް ޕޮޒިޓިވްވެފައިވަނީ މިއަދުއެވެ. އަދި އެމަނިކުފާނު މިހާރު ހުންނެވީ އެކަހެރިވެވަޑައިގެންކަމަށާއި، އެމަނިކުފާނުގެ ހާލުކޮޅު ރަނގަޅުކަމަށް ސަރުކާރުގެ ތަރުޖަމާން މުޙައްމަދު މަބްރޫކް ޢަޒީޒް ވަނީ ވިދާޅުވެފައެވެ.
VP @FaisalNasym has today tested positive for #COVID19
He is in good health, and in isolation.
May Allah grant him a speedy recovery.
— Mabrook Azeez (@MvSpokesperson) May 26, 2021
މަޢުލޫމާތު ލިބިފައިވާގޮތުން ނާއިބު ރައީސްގެ ބޭފުޅުންވެސް ވަނީ ކޯވިޑަށް ޕޮޒިޓިވްވެފައެވެ. އެގޮތުން އެންމެ ފުރަތަމަ ޕޮޒިޓިވީ ނާއިބު ރައީސް ދަރިކަލެއްކަމަށް މަޢުލޫމާތު ލިބެއެވެ.
ނާއިބު ރައީސް ކޯވިޑަށް ޕޮޒިޓިވްވެފައިވާއިރު، މީގެ ކުރިން ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދު ވެސް ވަނީ ކޯވިޑަށް ޕޮޒިޓިވްވެފައެވެ. ނަމަވެސް އެކަމަނާ މިހާރު ވަނީ ބަލިން ރަނގަޅުވެފައެވެ.
ރާއްޖޭގައި ކޯވިޑަށް ޕޮޒިޓިވްވާ މީހުންގެ ޢަދަދު އިތުރުވެފައިވާއިރު، ބަލިން ރައްކާތެރިވުމަށް ވަނީ ގިނަ ފިޔަވަޅުތަކެއް އަޅާފައެވެ.
ކޮމެންޓު ފޮނުވާ