އިންޑިއާގައި ކޯވިޑް ކޭސްތައް ރެކޯޑް މިންވަރަކަށް އަންނަނީ ދުވަހެއް ދުވަހަކަށް އިތުރުވަމުންނެވެ. އަދި މިހާރު އެ ގައުމުގެ ސަރުކާރުންވަނީ ރައްކާތެރި ވުމުގެ ގޮތުން ވެސް އެތައް ފިޔަވަޅުތަކެއް އަޅާފައެވެ.
މީގެ އިތުރުން ފިލްމީ ތަރިން ނާއި މަޝްހޫރު އެކިއެކި ފަރާތްތަކުން ގެންދަނީ ކޯވިޑުން ރައްކާތެރިވެތިބުމަށް އެމީހުންގެ ފޭނުންނަށް އިލްތިމާސްކޮށް ނަސޭހަތްތެރިވަމުންނެވެ. އެގޮތުން ޕްރިޔަންކާ ޗޯޕްރާ ވެސް ވަނީ ރައްކާތެރިވުމުގެ ގޮތުން ބެލުންތެރިންނަށް ނަސޭހަތް ދީފަ އެވެ.
އޭނާ ވަނީ ހުރިހާ މީހުން ވެސް ގިނަ ވަގުތު ގޭގައި ތިބުމަށާއި ކޯވިޑްގެ މި ހާލަތު ލުއި ގޮތަކަށް ނުނެގުމަށް ނަށެހަތްތެރިވެފަ އެވެ. ޕްރިޔަންކާ ކޮށްފައިވާ ޓްވީޓެއްގައި ބުނެފައިވަނީ ކޮރޯނާ ވައިރަސް ވެގެންދާނީ އިންޑިއާގެ ސަންދޯއް ކަމަށެވެ. އަދި ހަރުކަށިކަމާއި އެކުގައި ފިޔަވަޅު ނައަޅަފިނަމަ ވަރަށް ގިނަ ފުރާނަތައް ގެއްލިގެން ދިޔުމަކީ އެކަށީގެންވާ ކަމެއްކަމަށް އޭނާ ވަނީ ބުނެފައެވެ.
އަދި ބުނެފައިވަނީ ކޮންމެހެން ބޭރަށް ނުކުންނަން ޖެހިއްޖެ ހާލަތެއްގައި ނޫނީ ބޭރަށް ނުނިކުތުމަށާއި އަދި ނުކުންނަން ޖެހިއްޖެ ނަމަ މާސްކު އެޅުމަށާއި ގައިދުރުކަން ބެހެއްޓުމަށް ސަމާލުވުން މުހިންމު ކަމަށެވެ. އަދި ހަމައެހެންމެ ވެކްސިން ޖެހުމަށްވެސް އޭނާވަނީ ގޮވާލާފައެވެ.
— PRIYANKA (@priyankachopra) April 20, 2021
ޕްރިޔަންކާ ގެންދެނީ ސޯޝަލް މީޑިއާ މެދުވެރިކޮށް އިންޑިއާގެ ކޯވިޑްގެ ހާލަތާއި ސިއްހީ އެކިއެކި ކަންކަމުގެ އިރުޝާދުތަށް ކޮންމެ ދުވަހަކުވެސް ފޯރުކޮށްދެމުންނެވެ.
ޕްރިޔަންކާ މިވަގުތު މަސައްކަތް ކުރަމުން ދަނީ އިނގިރޭސި ސީރީޒެއްކަމަށްވާ "ސިޓަޑެލް"ގަ އެވެ. މިއީ ރުސޫ ބްރަދާސް އަދި އެމޭޒަން އިން އެކްސްލޫސިވްކޮށް ކުރިއަށްދާ ސިރީޒެކެވެ. މީގެ އިތުރުން ޕްރިޔަންކާވަނީ "ޓެކްސްޓް ފޯ ޔޫ" ގެ ޝޫޓިން ވެސް ނިންމާފައެވެ. މި ފިލުމުގައި އޭނާއާއި އެކުގައި ފެނިގެންދިޔައީ ސެލީން ޑިއޯން ރަސެލް ޓޮވީ ސޭމް ހިއުގަން އަދި އޮމްދީ ޖަލީލީއެވެ. ހަމައެހެންމެ އޭނާގެ ކުރިއަށް ހުރި ފިލްމުތަކުގެ ތެރޭގައި މެޓްރިކްސް 4 ހިމެނެއެވެ.
