ފާރިޝް އާއި އެކުވެރިން މޫދަށް ފޭބީ ސްނޯކްލިން އަށް

ލ.އަތޮޅު ކައްދޫ ކައިރިން މިއަދު ހަވީރު މޫދަށް ފޭބ ި4 ސިފައިން މޫދަށް ދިޔައި އޮފް ޑިއުޓީގައި ސްނޯކްލިންއަށް ކަމުގައި އެމްއެންޑީއެފްއިން ބުނެފިއެވެ.

ކައްދޫ ކައިރިން މޫދަށް ފޭބި ސިފައިންގެ 4 މީހެއްގެތެރެއިން ގެއްލިގެން ހޯދަމުންދިޔަ ލާންސްކޯޕްރަލް ޙުސައިން ފާރިޝް ކަނޑުއަޑީގައި މަރުވެފައި އޮއްވައި ފެނިފައިވަނީ މީގެ އިރުކޮޅެއް ކުރިންނެވެ. މޯލްޑިވްސް ނެޝަނަލް ޑިފެންސްފޯސް (އެމްއެންޑީއެފް)އިން ބުނެފައިވަނީ  އޭނާ ފެނުނީ ހޯދުމުގެ މަސައްކަތްކުރަމުންދިޔަ ސެންޓްރަލް އޭރިއާގެ ކޯސްޓްގާޑްގެ ޑައިވަރުންނަށްކަމަށެވެ.

ލާންސްކޯޕްރަލް ޙުސައިން ފާރިޝް ގެއްލުނީ ލ.ކައްދޫގެ އިރުމަތީ ފަރާތު މޫދަށް، އިތުރު 3 ސިފައިންގެ މީހުންނާއެކު ފޭބިފަހުންނެވެ.

މޫދަށް ފޭބި 4 ސިފައިންގެ މީހުންގެ ތެރެއިން އިތުރު މީހަކު ގެނބިގެން ހޮސްޕިޓަލުގައި ފަރުވާ ދެމުންދާކަމަށާ، އޭނާ ގެނބުނީ ގެއްލުނު ސިފައިންގެ މީހާ އޮއިގަނޑެއްގައި ޖެހި އަޑިއަށް ދާންފެށުމުން އޭނާ ސަލާމަތްކުރަން މަސައްކަތްކުރުމުގެ ތެރޭގައިކަމަށް އެމްއެންޑީއެފުން ބުނެފައިވެއެވެ. ގެނބުނުމީހާގެ ޙާލު އަންނަނީ ރަނގަޅުވަމުންކަމަށްވެސް އެފަރާތުން ވިދާޅުވެއެވެ.