އަދުގެ ސަރުކާރުގެ އިސްވެރިންގެ ނަން ދިވެހި ތާރީހުގައި ލިޔެވޭނީ ޢައްދާރުންގެ ގޮތުގައި ކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެ އެވެ.
ޝިޔާމް ވިދާޅުވީ އަދުގެ ސަރުކާރުން ދިވެހިންގެ މިނިވަންކަން ނަގާލަން މި ހިންގާ ޖަރީމާ ދިވެހި ރައްޔިތުން ވަރަށް ގާތުން ބަލަމުން ގެންދާކަމަށެވެ. އަދި މި އަޅުވެތިކަމުން ސަލާމަތްވުމަށް ޕީޕީއެމަށް ވޯޓު ދިނުމަށްވެސް ޝިޔާމް ވަނީ އެދިވަޑައިގެންފަ އެވެ.
Raees Yameen nuhaqqun jalah laigen mi ghahdhaaru sarukaarun Dhivehinge minivankan nagaala mi hingaa jareemathah Dhivehi Rayyithun dhanee gaathun balamun. Dhivehi thaareehuga miveringe nan liyeveynee 'Ghahdhaarun' ge gothugai. Mi alhuvethikamun salamaiyvan emmen Rukah vote dhevva.
— Ahmed Shiyam (@Shiyamaldives) March 18, 2021
މީގެ އިތުރުން އިންޑިޔާގެ އެގްޒިމް ބޭންކްގެ އެހީގައި 34 ރަށެއްގައި ފެނާއި ނަރުދަމާ ޤާއިމުކުރުމަށް އިއްޔެ ސޮއިކުރި އެއްބަސްވުމަށް އިޝާރާތްކޮށް ޝިޔާމް ވިދާޅުވީ ވޯޓާއި ދިމާކޮށް މިކަހަލަ ލައްކަ ގިނަ މަންޒަރު މިސަރުކާރުން ދިވެހިންނަށް ދައްކާފައި ވާކަމަށެވެ. އަދި ޤައުމު އަޅުވެތިކަމަށް ހުށަހަޅައިގެން މިފަދަ އެއްބަސްވުންތަކުގައި ސޮއިކުރަމުން ގެންދަނިކޮށް ރައްޔިތުން ނުކުމެ ސަރުކާރުގެ އިސްވެރިން ފަހާ ދުއްވައިގަންނަތަން އަދި ފެންނާނެ ކަމަށްވެސް ޝިޔާމް ވިނީ ވިދާޅުވެފައެވެ.
އަދުގެ ސަރުކާރުން ހުރިހާ ކަމެއްގައި އިންޑިއާއަށް ބަރޯސާވެ ރާއްޖޭގެ މިނިވަންކަމާއި އިސްތިޤްލާލު ގެއްލޭފަދަ އެއްބަސްވުންތަށް އެގައުމާއެކު ހަދަމުން ގެންދާކަމަށް އިދިކޮޅު ފަރާތްތަކުން ތަކުރާރުކޮށް ގެންދަނީ ބުނަމުންނެވެ.
ކޮމެންޓު ފޮނުވާ