އާމިރް ޚާންގެ 56 ވަނަ އުފަން ދުވަހު އޭނާގެ ފޭނުން އޭނާއަށް ތަހުނިޔާކިއާ އޭނާއަށް އޮތް ލޯބި ފާޅުކޮށްފައިވާއިރު، އާމިރް ވަނީ އޭނާގެ ފޭނުންނަށް ހިތާމަވެރި ހަބަރެއްދީފަ އެވެ. އާމިރް ޚާން ވަނީ އޭނާގެ ފޭނުން ކައިރީ އޭނާ ސޯޝަލްމީޑިޔާ ދޫކޮށްލަނީކަމަށް ބުނެފައެވެ.
އާދިއްތަ ދުވަހު އާމިރް ޙާންގެ 56 ވަނަ އުފަންދުވަހު، އޭނާގެ ފޭނުން ކިޔާފައިވާ ތަހުނިޔާތަކަށް ޝުކުރުއަދާކޮށް ޓުވިޓާގައި އާމިރް ވަނީ ޕޯސްޓެއްކޮށްފަ އެވެ. އަދި ހަމައެޕޯސްޓުގައި އޭނާ ވަނީ ސޯޝަލްމީޑިޔާއިން ދެން އޭނާ ނުފެންނާނެކަމަށް ބުނެފައެވެ. ނަމަވެސް އޭނާގެ ޕްރޮޑަކްޝަން ހައުސްގެ އަޕްޑޭޓްސް ފޭނުންނަށް ލިބޭނެކަމަށްވަނީ ބުނެފައެވެ.
އާމިރް ޚާންގެ ޕޯސްޓުގައި ލިޔެފައިވަނީ އުފަންދުވަހުގެ ތަހުނިޔާއަށް ޝުކުރު އަދާކުރަން ކަމަށާއި މިއީ އޭނާ ސޯޝަލްމީޑިޔާގައި ކުރާނެ އެންމެ ފަހު ޕޯސްޓުކަމަށެވެ. މާގިނައިން ސޯޝަލްމީޑިޔާގައި ހޭދަކުރެވޭތީ ދުރަށްދަނީކަމަށާއި ނަމަވެސް ގުޅުން އޮންނާނެކަމަށެވެ. އަދި އޭނާގެ ޕްރޮޑަކްޝަން ހައުސްގެ އޮފިޝަލް ޗެނަލް ހުޅުވައިފިކަމާއި އެ ޗެނަލުން އެންމެ ފަހުގެ އަޕްޑޭޓް ލިބިގެންދާނެކަމަށްވެސް ވަނީ ލިޔެފައެވެ.
އާމިރްގެ އިންސްޓަގްރާމް އެކައުންޓާއި ޓްވިޓަރ އެކައުންޓް މިހާރު ވަނީ ޑީއެކްޓިވޭޓް ކޮށްފައެވެ.
އާމިރް ޚާން މިހާރު އިންތިޒާރުކުރަމުން ދަނީ އޭނާގެ ފިލްމު ލާލް ސިންގް ޗައްޑާ އަށްށެވެ. މި ފިލްމުގައި އޭނާއާއެކު ކަރީނާ ކަޕޫރު ކާން ފެނިގެންދާނެއެވެ.
ކޮމެންޓު ފޮނުވާ