އިނގިރޭސި ލީގުގައި މެންޗެސްޓަރ ޔުނައިޓަޑު ފަހަތަށް ޖައްސާލާ ތާވަލުގެ ދެވަނައަށް އަރަން ލިބުނު ފުރުސަތު ލެސްޓާ ސިޓީ ނަގާލައިފިއެވެ.
ލީގުގައި ރަށުން ބޭރުގައި ކުޅުނު މެޗު ލެސްޓާ ސިޓީ އެއްވަރުވީ ބާންލޭއާ ދެކޮޅަށް ކުޅެ 1-1 ލަނޑުންނެވެ. މެޗުގެ ހަތަރުވަނަ މިނުޓުގައި މަޓެޖް ވީރާ ބާންލޭއަށް ލަނޑެއް ޖަހައި ކުރިހޯދަފަވަނިކޮށް އިލާނަޗޯ ވަނީ ލެސްޓާއަށް ނަތީޖާ ހަމަހަމަކޮއްދީފައެވެ. މިއީ ސީޒަނުގައި ލީގުގައި އޭނާ ކާމިޔާބުކުރި ދެވަނަ ލަނޑެވެ.
ބާންލޭ އެންމެފަހުން ލީގުގައި ކުޅުނު ހަމެޗުގެ ތެރެއިން ހަތަރު މެޗުން ވަނީ އެއްވަރުވެފައެވެ. ލެސްޓާގެ ކޯޗު ބްރެންޑަން ރޯޖާސް ވަނީ އޭނާގެ ކޯޗުކަމުގައި ބާންލޭ އަތުން ހަތްމޮޅު ހޯދާފާއެވެ. އޭގެތެރެއިން ބަލިވެފަވަނީ އެންމެ މެޗަކުން. މެޗުން ލިބުނު ޕޮއިންޓާއެކު ބާންލޭ ވަނީ ރެލިގޭޝަން ޒޯނާ ހަޕޮއިންޓް ފެއަށް ޖެހިލާފައެވެ.
ލެސްޓާ ސިޓީ އެއްވަރުވުމުން ދެވަނައިގަވާ ޔުނައިޓެޑަށް ވުރެ އެއްޕޮއިންޓު މަދުން ހޯދައިގެން އެޓީމު އޮތީ ތާވަލުގެ ތިންވަނައިގައިއެވެ. އަދި ތާވަލުގެ ފަސްވަނާގައިވާ ޗެލްސީއާ ވުރެ ހަޕޮއިންޓްގެ ފަރަގުވަނީ ކުޑަވެފައެވެ.
ކޮމެންޓު ފޮނުވާ