ޑޯޓްމަންޑްއަށް މުހިންމު މޮޅެއް

ޖަރުމަނު ބުންޑަސްލީގާގައި ބްރޫޝިޔާ ޑޯޓްމަންޑްއިން މުހިންމު މޮޅެއް ހޯދައިފިއެވެ.

އަމިއްލަ ދަނޑުގައި ޑޯމަންޑް އިން މެޗު ކާމިޔާބުކުރީ އަރްމީނިޔާ ބެއިލަފީލްޑްއާ ވާދަކޮށް 3-0 ލަނޑުންނެވެ. މެޗުގެ ފުރަތަމަ ލަނޑު ޑޯޓްމަންޑްއިން ކާމިޔާބުކުރީ ގޯލާ 20 ޔާޑު ދުރުން މަހުމޫދް ދަހޫދްއެވެ. ދެވަނަ ލަނޑު ލިބުނު ޕެނެލްޓީއަކުން ކާމިޔާބުކުރީ އިނގިރޭސި ޒުވާން ކުޅުންތެރިޔާ ޖޯޑަން ސަންޗޯއެވެ. ފަހު ލަނޑު އެޓީމަށް ކާމިޔާބުކޮއްދިނީ ރެއިނިއަރއެވެ.

އެ ރޭގައި މެޗުގައި ލަނޑުޖެހި ސަންޗޯ ވަނީ ފުރަތަމަ ލަނޑު ޖެހުމަށް އެސިސްޓްކޮއްފައެވެ. އޭނާ ވަނީ ލީގުގައި ޑޯޓްމަންޑްއަށް 50 ލަނޑު ޖެހުމަށް އެހީތެރިވެދީފައެވެ. ރޭގެ މެޗަކީ އޭނާ ޑޯޓްމަންޑްގެ ޖާޒީގައި ކުޅުނު 99 ވަނަ މެޗެވެ. އޭނާ ވަނީ 99 މެޗުން ޑޯޓްމަންޑްއަށް 36 ލަނޑު މިހާތަނަށް ކާމިޔާބުކޮއްފައެވެ.

ރޭގައި ލީގުގައި ކުޅުނު އެހެން މެޗުތަކަށް ބަލާއިރު ބަޔާން މިއުނިކް އިން ވަނީ ކުލޯންގެ މައްޗަށް 5-1 ލަނޑުން މޮޅުވެ ބޮޑު މޮޅެއް ހޯދާފައެވެ. ވުލްފްބާގް އިން ހާތާބާލިންގެ މައްޗަށް ކުރި ހޯދިއިރު ސްޓްރުޓްގާޓް އިން ވަނީ ޝާލްކޭގެ މައްޗަށް ކުރިހޯދާފައެވެ. ލީޕްޒިގް ވަނީ ބުރޫޝިޔާ މޮންޗެންގްލްބެކް މައްޗަށް ކުރިހޯދާފައެވެ.

މި ނަތީޖާއެކު ބާޔާން މިއުނިކް އެއްވަނައިގަ އޮތީ 52 ޕޮއިންޓާއެކުއެވެ. ބަޔާންއަށް ވުރެ ދެޕޮއިންޓް މަދުން ހޯދައިގެން ތާވަލުގެ ދެވަނައިގަ އޮތީ ލީޕްޒިގްއެވެ. ތިންވަނައިގަވާ ވުލްފްބާގް ލިބެނީ 45 ޕޮއިންޓް. ފްރެންކްފާޓް ހަތަރުވަނައިގަ އޮތީ 42 ޕޮއިންޓާއެކުއެވެ. ފަސްވަނައިގަވާ ޑޯޓްމަންޑް އަށް ލިބުނީ 39 ޕޮއިންޓް. ޑޯޓްމަންޑްއަށް ވުރެ ދެ ޕޮއިންޓް މަދުން ހޯދައިގެން ބަޔާ ލެވަކޫސަން އޮތީ ތާވަލުގެ ހަވަނައިގައެވެ.