ސަރުކާރުން ދައްކާހާ ބިރަކަށް ނުސިހި ސަރުކާރު ޖަވާބުދާރީ ކުރުވަމުން ގެންދާނެކަމަށް ޕީޕީއެމްގެ ނާއިބު ރައީސް އަދި ގުރައިދޫ ދާއިރާގެ މެންބަރު މުޙައްމަދު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވެފައިވަނީ، "ކޮބާ މަގޭ ފްލެޓް"ނަމުގައި އިދިކޮޅު ޕްރޮގްރެސިވް ކޮންގްރެސް ކޯލިޝަނުން ކުރިއަށް ގެންދިޔަ މުޒާހަރާގައި އިދިކޮޅު ލީޑާޝިޕްގެ ގިނަ ބަޔަކާއި، އެ ކޯލިޝަނަށް ތާޢީދުކުރާ ބައެއް މީހުން ހައްޔަރުކޮށް މުޒާހަރާއަށް ސަރުކާރުން ހުރަސް އެޅުމާއި ގުޅިގެންނެވެ.
އިދިކޮޅުން ކުރިއަށް ގެންދާ ސިލްސިލާ މުޒާހަރާގެ ތެރެއިން އިއްޔެ ބާއްވަން އުޅުނު މުޒާހަރާ ފެށުމުގެ ކުރިންވެސް ފުލުހުން ވަނީ ޕީޕީއެމްގެ ދޮރު ކައިރީގައި ގިނަ ޢަދަދެއްގެ ފުލުހުންނާއެކު އެ އޮފީސް ބަންދުކޮށްފައެވެ. އަދި މުޒާހަރާ ފެށުމުގެ ކުރިން މުޒާހަރާގެ ބައިވެރިންނަށް ހުރަސްއަޅާ އިދިކޮޅު ލީޑާޝިޕްގެ ގިނަ ބަޔަކު ހައްޔަރުކުރިއެވެ. އޭޣެ ތެރޭގައި ޣައްސާން މައުމޫންވެސް ހިމެނިވަޑައިގަންނަވައެވެ.
ޣައްސާން ކުރެއްވި ޓްވީޓެއްގައި ވިދާޅުވީ، ރައްޔިތުންގެ ފަރާތުން ސަރުކާރަށް ފާރަވެރިވެ، ޖަވާބުދާރީކުރުވުމުގެ މަސްޢޫލިއްޔަތު ދައްކާހާ ބިރަކަށް ނުސިހި، ޕީޕީއެމް އިން ސާބިތުކަމާއެކު އަދާކުރަމުން ގެންދާނެކަމަށެވެ.
Rayyithunge faraathun sarukaarah faaraverive javaabdhaaree kuruvumuge masooliyyathu, dhakkaa birakah nusihi, PPMun In Sha Allah saabithukamai eku adhaa kuramun gendhaanan. pic.twitter.com/WpxdOJwEut
— Mohamed Ghassan Maumoon (@mgmaumoon) February 26, 2021
އިދިކޮޅުން ކުރިއަށް ގެންދިޔަ މުޒާހަރާގައި ގިނަ ޢަދަދެއްގެ މީހުން ބައިވެރިވިއެވެ. މި މުޒާހަރާއާއި ގުޅިގެން ޤާނޫނީ ފިޔަވަޅު އަޅަނެކަން ދުރާލާ ފުލުހުންނާއި ހޯމް މިނިސްޓްރީން ދީފައިވެއެވެ. ނަމަވެސް އެ އިންޒާރު ދީފައިވަނިކޮށް ވެސް މުޒާހަރާ ކުރިއަށް ގެންގޮސްފައިވާއިރު، ކުރިއަށް އޮތްތަނުގައިވެސް މުޒާހަރާކުރާނެކަމަށް އިދިކޮޅު ކޯލިޝަނުން ވަނީ ބުނެފައެވެ.
ކޮމެންޓު ފޮނުވާ