ހަތަރު މެޗުން ބަލިވެ ލިވަޕޫލް ހަވަނައަށް ވެއްޓިއްޖެ

އިނގިރޭސި ޕްރިމިއަރ ލީގުގައި އަމިއްލަ ދަނޑުގައި ޖެހިޖެހިގެން ހަތުރަވަނަ ފަހަރަށް ލިވަޕޫލުން ބަލިވެއްޖެއެވެ.

އަމިއްލަ ދަނޑުގައި އެވެޓަންއާ ދެކޮޅަށް ކުޅުނު މެޗުން ލިވަޕޫލް ބަލިވީ 2-0 ލަނޑުންނެވެ. މެޗުގެ ފުރަތަމަ ލަނޑު އެޓީމަށް ކާމިޔާބު ކޮށްދިނީ ރިޗާލްސަން އެވެ. މި ލަނޑަށްފަހު ލިވަޕޫލުން ވަނީ އެޓީމުގެ އެޓޭކްތައް ވަރުގަދަ ކޮށްފައެވެ. މެޗުގެ ދެވަނަ ހާފު ފަށައިގެން ލިވަޕޫލުން ވަނީ ފުލުފުލުގައި އެވެޓަންގެ ގޯލަށް ނުރައްކާ ކޮށްފައެވެ. އެގޮތުން ލިވަޕޫލުގެ މުހައްމަދު ސަލާހަށާއި، ސަޑިއޯ މާނޭއާ، ރޮބާޓޯ ފިރްމީނިއޯ އަށް ވަނީ ލަނޑު ޖަހަން ފުރުސަތުތަކެއް ލިބި ބޭކާރުވެފައެވެ. މި މެޗުގައި އެވެޓަންއިން ޖެހި ދެވަނަ ލަނޑު 83 ވަނަ މިނެޓުގައި ޖަހައިދިނީ ގިލްފީ ސިގާޑްސަން އެވެ.

މިނަތީޖާއާ އެކު އެންމެ ފަހުގެ ޗެމްޕިއަން ލިވަޕޫލުން ވަނީ ލީގު ތާވަލުގެ 6 ވަނައަށް ވެއްޓިފައެވެ. އެޓީމަށް ކުޅުނު 25 މެޗުން 40 ޕޮއިންޓް ލިބިފައިވާއިރު، މެޗުން މޮޅުވި އެވެޓަން އޮތީ ލީގު ތާވަލުގެ 7 ވަނައިގައި ލިބުނު 40 ޕޮއިންޓާއެކުގައެވެ. ލިވަޕޫލަށް ކުރި ލިބެނީ ގޯލުގެ ތަފާތުންނެވެ.