ޕޯޓޯ އިން ވަރުގަދަ ޔުވެންޓަސް ބަލިކޮށްފި

ޔުއެފާ ޗެމްޕިއަންސް ލީގުގެ ދެ ވަނަ ބުރުގެ ފުރަތަމަ ލެގުގައި ރޭ ރަށުންބޭރުގައި ޔުވެންޓަސް ކުޅުނު މެޗުން ޕޯޓޯ އަތުން 2-1 އިން ބަލިވެއްޖެއެވެ.

ރޭގެ މެޗު ފެށުނުތާ ގިނަ އިރުތަކެއްނުވެ ޔުވެންޓަސްގެ ޑިފެންޑަރަކަށް ހެދުނު ގޯހެއްގެ ފައިދާ ނަގައި ޕޯޓޯއަށް ލީޑު ނަގައިދިނީ މެހްދީ ތަރޭމީއެވެ. މިއީ ޔުވެންޓަސްގެ މިޑްފިލްޑަރު ބެންޓަންކޫރް ކީއްޕަރާއި ވަރަށް ކައިރީގައި ހުރެ ޖެއްސި ބޯޅައެއްގައި، ކީއްޕަރު ބޯޅަ ފޮނުވާލުމުން ތަރޭމީގެ ފައިގައި ޖެހިފައި ވަން ގޯލެކެވެ. މިޗުގައި ފުރަތަމަ ހާފް ނިމުނީ އިތުރު ލަޑެއް ނެޖެހި ޕޯޓޯ ލީޑުގައި އޮވެގެންނެވެ.

މެޗުގެ ދެވަނަ ހާފުގައި ޖުވެންޓަސްއިން ކުޅުން ރަނގަޅު ކުރި ނަމަޗެސް ޕޯޓޯއިން ވަނީ ދެވަނަ ގޯލް ޖަހައި ފަރަގު ބޮޑުކޮށްފައެވެ. މިގޯލު އެޓީމަށް ޖަހައިދިނީ މޫސާ މަރޭގާ އެވެ. މި މެޗުގައި ޖުވެންޓަސްގެ ހަމަ އެކަނި ގޯލް ޖެހީ ފެޑެރީކޯ ޗިއޭސާ އެވެ.

މިމެޗުން ބަލިވި ކަމުގައި ވީނަމަވެސް ރަށުން ބޭރުގައި ޖެހި ގޯލާއިއެކު އަމިއްލަ ދަނޑުގައި އަންނަ މަހުގެ އަށްވަނަ ދުވަހު ކުޅޭ މެޗުގައި އެޑްވާންޓޭޖް ބޮޑީ ޖުންޓަސްއަށެވެ. ޖުވެންޓަސް އަށް މެޗު 0-0  އިން އެއްވަރު ކޮށްލައިގެންވެސް ކުއާޓާ ފައިނަލަށް ދެވޭނެއެވެ.