އައުބަމެޔާންގެ ހެޓްރިކާއެކު މޮޅުވެ އާސެނަލް ކުރިއަށް ޖެހިލައިފި

އިނގިރޭސި ޕްރިމިއަރ ލީގުގައި އާސެނަލް އާއި ލީޑްސް ޔުނައިޓެޑް ބައްދަލުކުރިމެޗް އާސެނަލް ކާމިޔާބުކޮށްފިއެވެ.

އާސެނަލްގެ ދަނޑުގައި ކުޅުނު މިމެޗް އެޓީމް ކާމިޔާބުކުރީ 4 ލަނޑު 2 ލަނޑުންނެވެ. މިމެޗުގައި އާސެނަލްގެ ކެޕްޓަން އައުބަމެޔާން ވަނީ ހެޓްރިކް ހަދާފައެވެ. އައުބަމެޔާން ރޭގެ މެޗުގައި ހެޓްރިކް ހެދިއިރު، މި ގޯލުތަކާ އެކު އޭނާ ވަނީ ޔޫރަޕްގެ ވަރުގަދަ ފަސް ލީގުގައި ޖުމްލަ 200 ގޯލު ހަމަކޮށްފައެވެ. އާސެނަލްގެ އަނެއް ގޯލު ޖެހީ ހެކްޓަ ބެލެރިން އެވެ. ލީޑްސް ޔުނައިޓެޑްގެ ދެ ގޯލު ޖެހީ ޕަސްކާލް ސްޓްރުއިކް އާއި ހެލްޑާ ކޮސްޓާއެވެ.

މިމެޗްގެ ފުރަތަމަ ހާފްގައި ލީޑްސްގެ ޑިފެންސަށް ކުޅެމުންދިޔަ ކުޅުންތެރިންނަށް މާ އެދެވޭ ކުޅުމެއް ދެއްކިފައެއް ނުވެއެވެ. މިމެޗްގެ ދެވަނަ ހާފްގައި ލީޑްސްއިން އެޓީމްގެ ކުޅުން ރަނގަޅުކޮށް އާސެނަލްގެ ގޯލަށް ނުރައްކާ ކުރިއެވެ.

ކުޅުނު 24 މެޗުން ލިބުނު 34 ޕޮއިންޓާ އެކު އާސެނަލް އޮތީ ލީގުގެ 10 ވަނައިގައެވެ.  އަދި ލީޑްސް މިހާރު އޮތީ ކުޅުނު 23 މެޗުން ލިބިފައިވާ 32 ޕޮއިންޓާއެކު ތާވަލްގެ 11 ވަނައިގައެވެ.