ލީޕްޒިގް މޮޅުވެ ދެވަނައިގައި ލީޑުފުޅާކޮށްފި

ޖަރުމަނު ބުންޑަސްލީގާގައި ލީޕްޒިގް އާއި އައުގްސްބަރގް ބައްދަލުކުރިމެޗް ލީޕްޒިގް ކާމިޔާބުކޮށް ދެވަނައިގައި އޮވެ ލީޑު ފުޅާކޮށްފިއެވެ.

ލީޕްޒިގް ދަނޑުގައި ކުޅުނު މިމެޗް ލިޕްޒިންގ ކާމިޔާބުކުރީ 2-1 ގެ ނަތީޖާ އަކުންްނެވެ. ދެޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގެ ފުރަތަމަ ހާފްގައި މޮޅަށް ކުޅެ ގިނަ ހަމަލާ އުފެއްދީ ލިޕްޒިގ އެވެ. މިމެޗްގެ ފުރަތަމަ ލަނޑު މެޗްގެ 38 ވަނަ މިނެޓްގައި ލިބުނު ޕެނަލްޓީއަކުން ކާމިޔާބުކުރީ ލިޕްޒިގްގެ ޑަނީ އޮލްމޯއެވެ. ލިޕްޒިގް ގެ ދެވަނަ ލަނޑު މެޗްގެ 43 ވަނަ މިނެޓްގައި ޖަހައިދިނީ ކްރިސްޓޮފަރ އެންކުންކޫއެވެ. އަދި މެޗްގެ 77 ވަނަ މިނެޓްގައި ލިޕްޒިގްގެ އިބްރާހިމާ ކޮނާޓެ އެޓީމްގެ ޕެނަލްޓީ އޭރިއާ ތެރެއިން އައުގްސްބަރގްގެ މޭޑްސް ޕެޑަރސަންއަށް ފައުލް ކުރުމުން ލިބުނު ޕެނަލްޓިީ އާއެކު އެޓިމަށް ހިތްވަރު ލިބިގެންދިޔައެވެ. މި ޕެނަލްޓީ އެޓީމަށް ކާމިޔާބުކޮށްދިނީ ޑެނިއަލް ކަލިގިއުރީއެވެ.

މިމޮޅާއިއެކު ލީޕްޒިގް އަށް 21 މެޗުން ވަނީ 44 ޕޮއިންޓު ލިބިފައެވެ. މިމެޗުން ބަލިވި އައުގްސްބަރގް އޮތީ ކުޅުނު 21 މެޗުން ލިބިފައިވާ 22 ޕޮއިންޓާއެކު ތާވަލްގެ 13 ވަނައިގައެވެ.