އިންޑިއާގެ އިތުރުގެ ސަހައްދުތަކަށް ބާރުގަދަ ބިންހެލުމެއް އަތުވެއްޖެއެވެ.

މީޑިއާ ރިޕޯޓުތައް ބުނާ ގޮތުގައި، ބާރު މިނުން 6.3 މެގްނިޓިއުޑްގައި މި ބިންހެލުމުގެ އަސަރު ވެރިރަށް ނިއުދިއްލީގެ އެކި ހިސާބުތަކާށާއި އިންޑިއާގެ އުތުރުގެ ގިނަ ސަރަހައްދުތަކަށް ވަނީ ވެއެވެ.

އިންޑިއާގެ ނޭޝަނަލް ސެންޓަރ ފޯ ސިސްމޮލޮޖީއިން ހާމަކުރާ ގޮތުގައި، މި ބިންހެލުމުގެ އެޕިސެންޓަރވަނީ، އިންޑިއާގެ ޖައްމޫ ކަޝްމީރުގެ ސަރަހައްދެއް ކަމުގައިވާ، ސްރީނަގަރާ 450 ކިލޯ މީޑަރު ދުރުގައި، ތަޖިކިސްތާނުގައެވެ.

މި ބިންހެލުން އައިސްފައިވަނީ ގަޑިން ހެދުނު 10:31ގައި ބިމުން ފެށިގެން 74 ކިލޯމީޓަރ އަޑިއަށެވެ.

މި ބިންހެލުމުގެ އަސަރުތައް އިންޑިއާގެ ވެރިރަށް ނިއުދިއްލީއާއި އަދި ކައިރި ސަރަހަދުތަކަަސް އެތައް ސިކުންތެއް ވަންދެން ކޮށްފައިވާ ކަމަށެވެސް މީޑިއާ ރިޕޯޓުތައް ބުނެއެވެ.

"ބިންހެލުމުގެ އަސަރު ނިއު ދިއްލީއަށްވެސް ވަނީ ކޮށްފަ، އަހަރެމެންގެ ދުއާއަކީ އެންމެންވެސް ސަލާމަތު ތިބުން،" ނިއު ދިއްލީގެ ޗީފް މިނިސްޓަރ އަރުވިންދު ކެޖްރިވާލް ޓުވީޓު ކޮށްފައި ވެއެވެ.

މި ބިންހެލުން ބާރުގަދަ ބިންހެލުމެއްގެ ގޮތުގައި ރެކޯޑު ކުރެވިފައިވި ނަމަވެސް، ބިންހެލުމުގެ ސަބަބުން ބޮޑެތި ގެއްލުންތަކެއް ލިބިފައިވާ ކަމުގެ މައުލޫމާތު ލިބިފައެއް ނުވެއެވެ. ބިންހެލުންމުގެ އަސަރު އަމްރިޓްސާރއަށާއި އަދި ޕަންޖާބު ސަރަހައްދަަށްވެސް ވަނީ ކޮށްފައެވެ.

No reports of any damage so far in Amritsar or other parts of Punjab following the #earthquake. Top officials of @PunjabPoliceInd & local administration are keeping a close watch on the situation. Praying for everyone’s safety. https://t.co/DKNNvFMPwE

— Capt.Amarinder Singh (@capt_amarinder) February 12, 2021

ބިންހެލުމުގެ އަސަރު ކުރަން ފެށުމާއެކު، ބިންލުން އައިކަމުގެ މެސެޖްތަކުން އެތައްބަޔަކު ވަނީ ސޯޝަލް މީޑިއާ ފުރާލާފައެވެ.

Not since the earthquake of 2005 have the tremors in Srinagar been bad enough to force me out of the house. I grabbed a blanket & ran. I didn’t remember to take my phone & so was unable to tweet “earthquake” while the damn ground was shaking.

— Omar Abdullah (@OmarAbdullah) February 12, 2021