މިއަދު ފާހަގަކުރާ" ޗައިނީޒް ނިއު އިޔާ" އާއިއެކު އުންމީދަކީ މިއަހަރު ދެ ޤައުމުގެ ގުޅުން އިތުރަށް ބަދަހި ވެގެން ދިއުން ކަމުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
މިއަދު ފާހަގަކުރާ" ޗައިނީޒް ނިއު އިޔާ"ގެ ތަހުނިޔާ ފޮނުއްވައި ރައީސް ޞާލިހު ވިދާޅުވީ މި ފެށޭ އާ އަހަރަކީ ކާމިޔާބީތަކާއި އުފާވެރިކަން ގެނުވައިދޭނެ އަހަރެއް ކަމަށް އުއްމީދު ކުރައްވާ ކަމަށެވެ. އަދި ރާއްޖެއާ ޗައިނާއާ ދެމެދު އޮންނަ ގާތް ރަހުމަތްތެރި ގުޅުން އިތުރަށް ބަދަހިވެގެންދާނެ އަހަރެއް ކަމަށް އުއްމީދު ކުރައްވާ ކަމަށްވެސް ރައީސް ޞާލިހު ވިދާޅުވެފައިވެއެވެ.
ޗައިނާގެ އިތުރުން އެހެނިހެން ގައުމުތަކުގައި ދިރިއުޅޭ ޗައިނާގެ ރައްޔިތުންނަށް ރައީސްސް ވަނީ ދުވަހުގެ ތަހުނިޔާގެ މެސެޖް ފޮނުއްވާފައެވެ.
Gong Xi Fa Cai. A very happy #ChineseNewYear to our friends in China and Chinese people everywhere as they welcome the Year of the Ox. May the new year prove to be one of prosperity and happiness and may the friendly relations between Maldives and China be further strengthened.
— Ibrahim Mohamed Solih (@ibusolih) February 12, 2021
ރައީސް ޞާލިހު ވެރިކަމާއި ހަވާލުވި ފަހުން ރާއްޖެއާއި ޗައިނާއާއި އޮންނަ ގުޅުން ހީނަރުވެ، އިޤްތިޞާދީ ގޮތުން ޗައިނާއިން ރާއްޖޭގައި ކުރަމުންދިޔަ ބޮޑެތި ގިނަ މަޝްރޫއުތައްވަނީ މަޑު ޖެހިފައެވެ. އަދި ރާއްޖޭގެ ސިޔާސީ އިސްބޭފުޅުންގެ ތެރެއިން ރައީސް ނަޝީދު ގެންދަވަނީ ކެނޑިނޭޅި ޗައިނާއަށް އަމާޒުކޮށް ތަފާތުއެކި ރައްދުތައް ދެއްވަމުންނެވެ. ޗައިނާއަކީ ރާއްޖޭގެ ތަރައްޤީގެ ބޮޑެތި މަޝްރޫޢުތަކުގެ އެންމެ ބޮޑު ހިއްސާއެއް އަދާކޮށްފައިވާ ޤައުމަށްވާއިރު، ޗައިނާގެ އެހީތެރިކަން އަބަދުވެސް ރާއްޖޭގެ ރައްޔިތުންނަށް ލިބޭނެކަމަށް އެޤައުމުން ވަނީ ބުނެފައެވެ.
ކޮމެންޓު ފޮނުވާ