ފްރެންޗް ކަޕްގައި ސައޭން އަތުން މޮޅުވެ ޕީއެސްޖީ މުބާރާތުގެ އަނެއް ބުރުން ޖާގައި ހޯދައިފިއެވެ.
މުބާރާތުގެ ފަހު 32 އިން ޕީއެސްޖީ ޖާގަހޯދީ ރަށުން ބޭރުގައި ސައޭން ވާދަކޮށް 1-0 ލަނޑުން ކުރި ހޯދައިގެންނެވެ. މެޗުގައި ޕީއެސްޖީން ޖެހި ހަމައެކަނި ލަނޑު އެޓީމަށް ކާމިޔާބުކޮށްދިނީ އެވަޓަން ލޯނު އެއްބަސްވުމެއްގެ ދަށުން މި ސީޒަންގައި ޕީއެސްޖީ ގުޅުނު މޮއެސް ކީންއެވެ. މިއީ މި ސީޒަނުގައި ޕީއެސްޖީއަށް އޭނާ ކާމިޔާބުކޮށްދިން 12 ވަނަ ލަނޑުއެވެ.
މިމެޗުގައި ޕީއެސްޖީއަށް ދިމާވި އެންމެ ބޮޑު ނުތަނަވަސް ކަމަކީ ޕީއެސްޖީގެ ބްރެޒިލް ތަރި ނޭމާ އަނީޔާވުންނެވެ. ޕީއެސްޖީ އަންނަ އަންގާރަ ދުވަހުގެރޭ ޗެމްޕިއަންސް ލީގުގެ ގަދަ 16ގައި ބާސެލޯނާއާ ދެކޮޅަށެވެ. މިވަގުތު ލީގުގެ އެއްވަނާގައި އޮތް ލިލޭ އިތުރުން މޮނާކޯ އާއި މާސޭ ވެސް ރޭގައި މުބާރާތުގައި ހޯދި މޮޅާއެކު އަނެއް ބުރުން ޖާގަހޯދާފައެވެ.
ކޮމެންޓު ފޮނުވާ