ލެސްޓާ ސިޓީ ގަދަ އަށަކަށް

އިނގިރޭސި އެފްއޭކަޕް ފުޓްބޯޅަ މުބާރާތުގެ ގަދަ އަށަކުން ލެސްޓާ ސިޓީ ޖާގަ ހޯދައިފިއެވެ.

މުބާރާތުގެ ގަދަ އަށަކުން ލެސްޓާ ޖާގަ ހޯދީ ބްރައިޓަންއާ ވާދަކޮށް 1-0 ލަނޑުން މޮޅުވެގެންނެވެ. ލެސްޓާ ކުއާޓާފައިނަލަށް ދިޔަ ލަނޑު އެޓީމަށް މެޗުގެ އިތުރުވަގުތުގެ ފަހު މިނުޓުގައި ކާމިޔާބުކޮއްދިނީ ކެލެޗީ އިހާނާޗޯއެވެ. މިއީ އެނާ ލެސްޓާއަށް ކާމިޔާބުކޮށްދިން ފަސްވަނަ ލަނޑެވެ. މިއީ ވޭތުވެދިޔަ 52 އަހަރު ތެރޭގައި އިނގިރޭސި އެފްއޭ ކަޕުގެ ކުއާޓާފައިނަލުން ލެސްޓާ ސިޓީ ޖާގަ ހޯދި ދެވަނަ ފަހަރެވެ. އަދި މިމުބާރުގެ މިވީ ދެ އަހަރުގެ ތެރޭގައި ވިދިވިދިގެން ކުޅޭ ދެވަނަ ފަހަރުއެވެ. އެންމެފަހުން ލެސްޓާ ބްރައިޓަންއާ ދެކޮޅަށް ކުޅުނު 8 މެޗުވެސް އެޓީމުން ވަނީ ކާމިޔާބުކޮށްފައެވެ.

މުބާރާތުގެ ރޭ ޕްރިމިއަރ ލީގުގައި ވާދަކުރާ ޝެފީލްޑް ޔުނައިޓެޑާއި އިނގިރޭސި ޗެމްޕިއަންޝިޕުގައި ވާދަކުރާ ބްރިސްޓަލް ސިޓީ މައްޗަށް ކުރި ހޯދާ ޝެފީލްޑް ވެސް ވަނީ މުބާރާތުގެ ގަދައަށަކުން ޖާގަ ހޯދާފައެވެ. މެޗުގެ ހަމައެކަނި ލަނޑު ފެނިގެން ދިޔައީ ޝެފީލްޑަށް ލިބުނު ޕެނެލްޓީއަކުން ބިލީ ޝާޕް ކާމިޔާބުކޮށްދިން ލަނޑުންނެެވެ.

މި ޕެނެލްޓީ ލބުނީ އޭރިޔާ ތެރެއިން އަލްފެއީ މޭސަން ކުރި ފައުލާކާ ގުޅިގެންނެވެ. އޭނާ ވަނީ ރަތްކާޑު ދައްކާ ދަނޑުން ފޮނުވާލާފައެވެ. މިއީ 2003 ވަނަ އަހަރު ފަހުން ޝެފީލް މުބާރާތުގެ ގަދައަށަކުން ވިދިވިގެން ޖާގަހޯދި ފުރަތަމަ ފަހަރުއެވެ. އެޓީމުން ވަނީ މިދިޔަ ސީޒަންގައި ޕްރިމިއާ ލީގަށް ކޮލިފައިވެ ލީގުގައި ވާދަކުރަން ފެށިފަހުން ފުރަތަމަ ފަހަރަށް މިދިޔަ އެފްއޭ ކަޕުގެ ގަދައަށަކުން ޖާގަހޯދާފައެވެ.