އެފްއޭ ކަޕްގައި ރޭ ފޯރިގަދަ މެޗަކަށް ފަހު 5-4 އިން ޓޮޓެންހަމް ބަލިކޮށް އެވަޓަން އިން ވަނީ މުބާރާތުގެ ކުއާޓާ ފައިނަލުން ފުރުސަތު ހޯދައިފިއެވެ.
ޓޮޓެންހަމަށް މެޗުގެ ތިން ވަނަ މިނިޓްގައި ޑަވިންސަން ސަންޗޭޒް ލީޑުނަގައިދީފައިވަނިކޮށް އެވަޓަން އިން ވަނީ ތިން ގޯލު ޖަހައިފައެވެ. މި ތިން ގޯލު ކާމިޔާބުކުރީ ޑޮމިނިކް ކަލްވެޓް-ލެވިން އާއި ރިޗާލިސަން އަދި ގިލްފީ ސިގަޑްސަން އެވެ. ފުރަތަމަ ހާފް ނިމުމުގެ ކުރިން އެރިކް ލަމޭލާ ވަނީ ޓޮޓެންހަމަށް ގޯލެއް ޖަހައިދީ އެ ޓީމަށް އުއްމީދެއް ހޯދައިދީފަ އެވެ. ދެ ވަނަ ހާފްގެ ކުޅުން ފެށިގެން 12 މިނިޓް ތެރޭ ސަންޗޭޒް ވަނީ ދެ ވަނަ ގޯލެއް ޖަހައި ޓޮޓެންހަމަށް އެއްވަރުކޮށްދީފަ އެވެ.
މެޗުގެ 68 ވަނަ މިނިޓްގައި ރިޗާލިސަން ވަނީ ގޯލެއް ޖަހައި އެވަޓަން އަށް އަލުން ލީޑުނަގައިދީފަ އެވެ. އެކަމަކު މެޗު ނިމެން އަށް މިނިޓަށް ވެފައި ވަނިކޮށް ޓޮޓެންހަމް ވަނީ ހެރީ ކޭން ޖެހި ގޯލުން އެއްވަރުކޮށްފައެވެ. އެވަޓަން މޮޅުވި ގޯލު އިތުރު ވަގުތުގެ ފުރަތަމަ ހާފުގައި ޖެހީ ބްރެޒިލްގެ ވިންގް ބާނާޑްއެވެ.
ކޮމެންޓު ފޮނުވާ