ލިވަޕޫލަށް ކުޅެމުން އަންނަ ކެމަރޫންގެ ޑިފެންޑަރު ޖޯލް މަޓިޕްގެ ފައިގެ ކުޑަހުޅަށް ލިބުނު އަނިޔާގެ ސަބަބުން އޭނާއަށްވެސް ސީޒަންގެ ދެން އިތުރަށް ކްލަބުން ބުނެފިއެވެ.
ޑިފެންޑަރުންނަށް އަނިޔާވުމުގެ މައްސަލައަކީ މި ސީޒަންގެ ފުރަތަމަ ކޮޅުން ފެށިގެންވެސް ލިވަޕޫލަށް ބޮޑު ބޮލު ރިހުމެކެވެ. އެންމެފަހުން ޗެމްޕިއަން ލިވަޕޫލްގެ އެންމެ މުހިއްމު ޑިފެންޑަރުން ކަމަށްވާ ވާޖިލް ވެންޑައިކާއި ޖޯ ގޮމޭޒްގެ ކަކުލަށް އަނިޔާވެ ސީޒަންގެ ކުރީކޮޅުގައި އެ ދެކުޅުންތެރިންވެސް ސާޖަރީއަކަށް ދާން ޖެހިފައިވާއިރު، އެނބުރި އަންނާނެ ކަމަށް ބެލެވެނީ ކުރިއަށް އޮތް ސީޒަނަށެވެ.
ލިވަޕޫލުން ޓޮޓެންހަމްއާ ދެކޮޅަށް ކުޅުނު މެޗުގައި ޑިފެންޑަރު މަޓިޕްގެ ފައިގެ ކުޑަހުޅަށް ލިބުނު އަނިޔާއާއެކު އޭނާ ވަނީ ދަނޑުން ބާލައިފައެވެ. ލިވަޕޫލުން ނެރުނު ބަޔާނުގައި ބުނެފައި ވަނީ މަޓިޕް ފައިގެ ކުޑަހުޅުގެ ލިގަމެންޓަށް ގެއްލުން ވެފައިވާ ކަމަށާއި އެނބުރި އަންނާނެ ކަމަށް ލަފާކުރެވެނީ ކުރިއަށް އޮތް ސީޒަނުގައި ކަމަށެވެ.
މަޓިޕަށް އަނިޔާވުމާއެކު ޓްރާންސްފާގެ ފަހު ދުވަހު ލިވަޕޫލުން ވަނީ ޑިފެންޑަރަކު ހޯދަން މާކެޓުގައިވެސް ބުރަ މަސައްކަތްތަކެއް ކޮށްފައެވެ. ލިވަޕޫލް އިން ވަނީ ޕްރެސްޓަންއިން ބެން ޑޭވީސްގެ އިތުރުން ޝާލްކޭއަށް ކުޅެމުން އަންނަ ތުރުކީ ޑިފެންޑަރު އޮޒާން ކަބަކް ކްލަބަށް ސޮއިކުރި ކަމަށެވެ.
ކޮމެންޓު ފޮނުވާ