ލިވަޕޫލް ބަލިވުުގެ ފައިދާ ނަގާ ލެސްޓާ ތިންވަނައަށް

އިނގިރޭސި ޕްރިމިއާ ލީގުގައި ރޭ ފުލަމް އަތުން މޮޅުވެ ލެސްޓާރ ސިޓީ ލީގުގެ ތިންވަނަ އަށް ޖެހިލައިފިއެވެ.

ރަށުން ބޭރުގައި ލެސްޓާ މޮޅުވީ 2-0 ލަނޑުންނެެވެ. ލެސްޓާ މޮޅުވީ ފުރަތަމަ ހާފުގެ ލަނޑުތަކުންނެވެ. ޖޭމްސް މެޑިސަން ތަނަވަސްކޮށްދިން ދެ ފުރުސަތުގައި ލެސްޓާގެ ލަނޑުތައް ޖެހީ ކެެލެޗީ އިހެނާޗޯ އާއި ޖޭމްސް ޖަސްޓިން އެވެ. ރޭ ކުޅުނު އަނެއް ދެ މެޗުގެ ނަތީޖާ އަށް ބަލާއިރު ވެސްޓް ހޭމް އިން ވަނީ ރަށުންބޭރުގައި ޖެސޭ ލިންގާޑްގެ ދެ ގޯލާ އެކު 3-1 އިން އެސްޓަން ވިލާ ބަލިކޮށްފައެވެ. އެވަޓަން އިން ލީޑްސް ޔުނައިޓެޑްގެ މައްޗަށް ކުރިހޯދީ 2-1 އިންނެވެ. ވެސްޓް ހޭމް ފަސް ވަނައިގައި އޮތީ 22 މެޗުން 38 ޕޮއިންޓާ އެކު އެވެ. އެވަޓަން ހަ ވަނަ އަށް ޖެހިލީ 20 މެޗުން 36 ޕޮއިންޓް ހަަމަކޮށްގެންނެވެ.

މި ނަތީޖާ އެކު ސިޓީ އެއް ވަނައިގައި އޮތީ 21 މެޗުން 47 ޕޮއިންޓާ އެކު އެވެ. ދެ ވަނައިގައި އޮތް މެންޗެސްޓާ ޔުނައިޓެޑަށް 22 މެޗުން 44 ޕޮއިންޓް ލިބިފައިވާއިރު، ރޭ ފުލަމް އަތުން 2-0 އިން މޮޅުވި ލެސްޓާ ތިން ވަނަ އަށް ޖެހިލީ 22 މެޗުން 42 ޕޮއިންޓް ހޯދައިގެންނެވެ. ލިވަޕޫލް ހަތަރު ވަނަ އަށް ވެއްޓުނީ އަމިއްލަ ދަނޑުގައި ރޭ ބްރައިޓަން އަތުން 1-0 އިން ބަލިވުމުންނެވެ. ލިވަޕޫލަށް 22 މެޗުން ލިބުނީ 40 ޕޮއިންޓެވެ