އިންގްލިޝް ޕްރިމިއަރ ލީގުގައި ނިއުކާސްލް ޔުނައިޓެޑާއި އެވަޓަން ބައްދަލުކުރިމެޗް ނިއުކާސްލް ކާމިޔާބުކޮށްފިއެވެ.
އެވަޓަންގެ ދަނޑުގައި ކުޅުނު މިމެޗް ނިއުކާސްލް ކާމިޔާބުކުރީ 2-0 ލަނޑުންނެވެ. މިމެޗްގައި ނިއުކާސްލްގެ ތަރިއަކަށްވީ ކަލުމް ވިލްސަންއެވެ. މިމެޗްގައި މޮޅުކުޅުމެއް ދެއްކި ވިލްސަން އޭނާގެ ފުރަތަމަ ލަނޑު ޖަހާދިނީ މެޗްގެ 73 ވަނަ މިނެޓްގައި ޖޮންޖޯ ޝެލްވީ ނަގާދިން ކޯނަރަކުންނެވެ. މިއީ އޭނާ ޕްރިމިއަރ ލީގުގައި ކާމިޔާބުކުރި 50 ވަނަ ލަނޑެވެ. އަދި މިމެޗްގައި ނިއުކާސްލްގެ ދެވަނަ ލަނޑު ވިލްސަން ޖަހާދިނީ މެޗްގެ އިތުރު ވަގުތުގެ ތިންވަނަ މިނެޓްގައެވެ.
ނިއުކާސްލްވަނީ އެޓީމް އެންމެ ފަހުން ކުޅުނު ފަސް މެޗުންވެސް ބަލިވެފައެވެ. މި ނާކާމިޔާބީއާއެކު އެވަޓަން މިޙާރު އޮތީ ކުޅުނު 19 މެޗުން ލިބިފައިވާ 33 ޕޮއިންޓާއެކު ތާވަލްގެ ހަތްވަނައިގައެވެ. އަދި ނިއުކާސްލްވަނީ 21 މެޗުން ލިބިފައިވާ 22 ޕޮއިންޓާއެކު ތާވަލްގެ 16 ވަނައިގައެވެ.
ކޮމެންޓު ފޮނުވާ