އިނގިރޭސި ޕްރިމިއާ ލީގުގައި ރޭ އާސެނަލާ ދެކޮޅަށް މެންޗެސްޓާ ޔުނައިޓެޑް ކުޅުނު މެޗުން ލަނޑެއް ނުޖެހި އެއްވަރުވެއްޖެ އެވެ.
އާސެނަލް ދަނޑުގައި ރޭ ޔުނައިޓެޑުން ކުޅުނު މެޗުގައި ދެ ޓީމަށް ވެސް ލަނޑުޖަހާނެ ފުރުސަތު ލިބުނުއިރު ބޭނުމެއް ނުކުރެވުނެވެ. އާސެނަލްގެ އަލެކްސަންޑަ ލަކަޒޭޓް ފޮނުވާލި ހިލޭ ޖެހުމެއް ހުރަސްދަނޑިއަށް އަމާޒުވިއިރު، އެ ޓީމުގެ ނިކޮލަަސް ޕެޕޭ ފޮނުވާލި ދެ ބޯޅަ ވެސް ދިޔައީ ދަނޑިކައިރިން ބޭރުންނެވެ.
ޔުނައިޓެޑް މޮޅުކޮށްދޭން އެންމެ ރަނގަޅު ފުރުސަތުތަކެއް ލިބުނީ އެޑިންސަން ކަވާނީ އަށެވެ. އޭނާ ޖެހި ދެ ޝޮޓެއް ގޯލާ ސީދާނުވެދިޔައިރު، މާކަސް ރެޝްފޯޑަށް ލިބުނު ބޯޅަ ފޮނުވާލުން ލަސްކޮށްލުމުން ފުރުސަތު ގެއްލުނީ އެެވެ. މި ނަތިޖާ އެކު ދެ ވަނައިގައި އޮތް މެންޗެސްޓާ ޔުނައިޓެޑަށް 21 މެޗުން ލިބިފައިވަނީ 41 ޕޮއިންޓެވެ.
ކޮމެންޓު ފޮނުވާ