އޭއެފްސީކަޕް ގްރޫޕް ސްޓޭޖްގައި ރާއްޖޭގެ މާޒިޔާއަށް އިންޑިޔާގެ މޯހަން ބަގަންއާއި، ބަނގްލަދޭޝްގެ ބަޝުންދުރަ ކިންގްސްއާ އެއް ގްރޫޕެއްގައި ވާދަކުރަން ޖެހި، ކޮލިފައިން ޕްރިލިމިނަރީ ބުރުގައި އީގަލްސް ތިމްޕޫއާ ވާދަކުރަން ޖެހިއްޖެއެވެ.
މިތިން ޓީމާއެކު ގްރޫޕް ޑީއަށް ދެން އަންނާނީ ޕްލޭއޮފް އިން ކުރި ހޯދާ ޓީމެވެ. އެޖާގައަށް ރާއްޖޭގެ އީގަލްސް ވާދަކުރެއެވެ. ކޮލިފައިންގެ ޕްރިމިލިނަރީ ފުރަތަމަ ބުރުގައި އީގަލްސް ވާދަކުރާނީ ބޫޓާންގެ ޗެމްޕިއަން ތިމްޕޫއާއެވެ. އޭޕްރީލް 7 ވަނަ ދުވަހު ކުޅޭ އެމެޗުން މޮޅުވާ ޓީމެއް ދެން ވާދަކުރަން ޖެހޭނީ ބަނގްލަދޭޝްގެ ޑާކާ އަބަހާނީއާއެވެ. ޕްލޭއޯފްގެ ޖާގަ ލިބޭނީ އެމެޗުން މޮޅުވެގެންނެވެ.
މާޒިޔާއާ ވާދަކުރަން ޖެހޭ ބަނގްލަދޭޝްގެ ބަޝުންދުރަ ކިންގްސްއަކީ އެޤައުމުގެ މިހާރު އެންމެ ވަރުގަދަ ޓީމެވެ. އެއީ ނިއުރޭޑިއަންޓަށް ކުރިން އިރުޝާދުދިން އޮސްކާ މިހާރު އިރުޝާދުދޭ ޓީމެވެ. އެއީ ބަނގްލަދޭޝް ޕްރިމިއަރ ލީގުގެ ޗެމްޕިއަން ޓީމެވެ. ފެޑެރޭޝަން ކަޕްވެސް ކާމިޔާބުކުރީ އެޓީމެވެ. އިންޑިޔާގެ މޯހަން ބަގަންއަކީ މިދިޔަ ސީޒަންގެ ލީގު ޗެމްޕިއަން ޓީމެވެ. އެޓީމް ވަނީ ފަސް ފަހަރު އިންޑިޔާގެ ލީގު ކާމިޔާބުކޮށްފައެވެ. ފެޑެރޭޝަންކަޕް ސާދަ ފަހަރު އެޓީމުން ކާމިޔާބުކުރިއެވެ.
އޭއެފްސީކަޕްގެ ޕްރިލިމިނަރީބުރު އޭޕްރީލް 6 ގައި ފަށާނެއެވެ. ނަމަވެސް ގްރޫޕް ސްޓޭޖްގެ މެޗުތައް ފަށަން ތާވަލކޮށްފައިވަނީ މެއި މަހުގެ 14 ވަނަ ދުވަހަށެވެ. ެމެޗުތައް ކުޅޭނީ ސެންޓްރަލް އެއް ސްޓޭޑިއަމްގައެވެ.
ކޮމެންޓު ފޮނުވާ