ގްލޯބަލް އައިކަން ޕްރިޔަންކާ ޗޯޕްރާ ޖޯނަސް އޭނާ ލޭޓްނައިޓް ޝޯވ ތަކުންފެންނަ ހަގީގީ ސިއްރުކިޔައިދީފި އެވެ.
ޕްރިޔަންކާ ޗޯޕްރާ ޖޯނަސް އޭނާގެ އިންސްޓާގުރާމުގައި ހިއްސާކޮށްފައިވާ ޕޯސްޓެއްގައި ޕްރިޔަންކާ ވަނީ ބިޒީ ޝެޑިއުލަތަކުގައި ކުދިކުދި ނެޕްސް ނަގާނެގޮތް ކިޔައިދީފައެވެ.
މި ޕޯސްޓުގައި ޕްރިޔަންކާ ފެންނަނީ ގޮނޑިއެއްގައި އޮށޯވެލައިގެން އޮއްވައެވެ. މި ފޮޓޯގައި ޕްރިޔަންކާ ލައިގެންހުރީ އޮލިވް ފެހި ޓޮޕަކާއި ކަޅުކުލައިގެ ހަރުވާޅެކެވެ. އަދި ކަރުގައި ރަންފަށެއްއަޅާފައިވާއިރު ކޮށްފައިވަނީ ފަނޑު މޭކަޕްއެކެވެ.
ޕްރިޔަންކާ ބުނިގޮތުގައި ރޭގަނޑު ދަންގަޑީގައި ޝޯވތަކުން ފެނިގެންދިއުމުގައި އެންމެ ބޮޑު ރޯލެއް އަދާކުރަނީ ނެޕްސް ނެގުންކަމަށެވެ. ޕްރިޔަންކާގެ މި ޕޯސްޓަށް އިންޑަސްޓުރީގެ އެތަށްބަޔަކާއި ފޭނުންވަނީ ކޮމެންޓުކޮށް ލައިކުކޮށްފައެވެ.
View this post on Instagram
މީގެ ކުރިން ޕްރިޔަންކާ އިންސްޓާގުރާމުގައި ހިއްސާކޮށްފައިވަނީ އޭނާގެ މޭކަޕްގެ "ސްނީކް ޕީކް" އެކެވެ.
ޕްރިޔަންކާ ދެން އެންމެ އަވަހަށް ފެނިގެންދާނީ ރާމިން ބަހްރާނީ ޑައިރެކްޓުކޮށްފައިވާ ފިލްމު "ދަ ވައިޓް ޓައިގާ" އިން އެކްޓަރ ރާޖްކުމާރު ރާއޯ އާއެކުގައެވެ. އެއާއެކު ޖިމް ސްޓްރޯސްގެ ރޮމޭންޓިކް ޑުރާމާ "ޓެކްސްޓް ފޯ ޔޫ" އިންވެސް ޕްރިޔަންކާ ފެނިގެންދާނެއެވެ
