ބޮޑުތަކުރުފާނު މަގުގައި މިއަދު ހެނދުނު ހިނގި އެކްސިޑެންޓެއްގައި 18 އަހަރުގެ ޒުވާނަކަށް އަނިޔާވެއްޖެއެވެ.
ފުލުހުން ބުނީ ހެނދުނު 11:20 ހާއިރު ވިލާ ކޮލެޖު ކައިރީގައި ހިނގި މި ހާދިސާގައި، ބާރު ސްޕީޑުގައި ދުއްވަމުން އައި ސައިކަލެއް ކޮންޓްރޯލް ގެއްލި ވެއްޓި، ކަހާލަމުން ގޮސް ޔޫ ޓާން ޖަހަމުން ދިޔަ ކާރެއްގައި ޖެހުނު ކަމަށެވެ.
ސައިކަލު ދުއްވީ ދިވެހި ޒުވާނެކެވެ. އޭނާ އައިޖީއެމްއެޗަށް ގެންދިޔަ ނަމަވެސް ބޮޑު އަނިޔާއެއް ނުވާ ކަމަށް ބުނެއެވެ. އަދި އޭނާގެ އަތުގައި ސައިކަލު ދުއްވުމުގެ ލައިސަންސެއް ނެތް ކަމަށް ފުލުހުން ބުނެއެވެ.
ހާދިސާއާ ގުޅިގެން ސައިކަލު ޓޯކޮށްފައިވާއިރު، މައްސަލަ ފުލުހުން ތަހުޤީޤުކުރަމުން ދެއެވެ.
ކޮމެންޓު ފޮނުވާ