ކުރިމިނަލް ކޯޓުން 25 އަހަރުގެ ޖަލު ހުކުމެއް އިއްވި، ކުރީގެ އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދުގެ ފަރާތުން، އެ ހުކުމް ހައިކޯޓުގައި އިސްތިއުނާފުކޮށްފިއެވެ.
ޝަމްއާންގެ މައްޗަށް ކުށް ސާބިތުވެ ކުރިމިނަލް ކޯޓުން ހުކުމް އިއްވީ މިދިޔަ ޖޫން 9 ގައެވެ. ދައުލަތުން އޭނާގެ މައްޗަށް ކުރީ ފޭރުމުގައި ބައިވެރިވުމުގެ ދެ ދައުވާ، ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދެ ދައުވާ އަދި މަނީ ލޯންޑަރިންގެ ދައުވާއެކެވެ.
މަނީ ލޯންޑަރިންގެ ކުށަށް 15 އަހަރު، ފޭރުމުގައި ބައިވެރިވި ކުށަށް 8 އަހަރު އަދި ރަސްމީ ހައިސިއްޔަތު ނަހަމަ ގޮތުގައި ބޭނުންކުރި ކުށަށް 2 އަހަރުގެ ޖަލު ހުކުމް އޭނާގެ މައްޗަށް އިއްވިއެވެ.
ހައިކޯޓުން މި މައްސަލަ ބަލައިގަނެފައިވޭތޯ އަދި ސާފެއް ނުވެއެވެ.
ކޮމެންޓު ފޮނުވާ