ރާއްޖޭގައި ދަތުގެ ފަރުވާ ދިނުމުގައި މުޅި ގައުމަށް ނަން ހިނގި އަބްދުﷲ ސަޢީދު (ދަތްޖަހާ ސަޢީދު) އަވަހާރަވުމާ ގުޅިގެން ރައީސް ޑރ. މުޙައްމަދު މުޢިއްޒު ތަޢުޒިޔާ ދަންނަވައިފި އެވެ.
89 އަހަރުގެ ޢުމުރުގައި މިއަދު އަވަހާރަވި ސަޢީދު، މެންދުރު ނަމާދަށްފަހު އާސަހަރާގައި ވަޅުލާފައިވެ އެވެ.
އެކްސްގައި ލިޔުއްވި ޕޯސްޓެއްގައި ރައީސް ވިދާޅުވީ، ސަޢީދުގެ ވަކިވުމަކީ ގައުމަށް ލިބުނު ވަރަށް ބޮޑު ހިތާމައެއް ކަމަށެވެ. ސިއްޙީ ދާއިރާގައި ދިގު މުއްދަތެއް ޚިދުމަތްކުރުމުގެ އިތުރުން، ދިވެހި މަސައްކަތްތެރިކަމުގެ ތަފާތު ފަންނުތަކުގައި ވެސް ސަޢީދު ވަނީ ބޮޑެތި ކާމިޔާބީތަކެއް ހޯދާފައި ކަމަށް ރައީސް ފާހަގަކުރެއްވި އެވެ. އަދި ސަޢީދަށް ސުވަރުގޭގެ ދާއިމީ ނިޢުމަތް ދެއްވުން އެދި ރައީސް ދުޢާކުރެއްވި އެވެ.
ރާއްޖެއަށް ދަތުގެ ފަރުވާ ތަޢާރަފުކޮށްދިން ފަރާތްތަކަށް ދިން ޚާއްޞަ އެވޯޑެއް ވެސް ނައިބު ރައީސްގެ އަތްޕުޅުން ސަޢީދަށް ވަނީ ލިބިފައި އެވެ.
ކޮމެންޓު ފޮނުވާ