ހުޅުމާލެ ޖަލަށް ހުއްދަނެތި ވަތް މީހަކަށް 26،000 ރުފިޔާގެ ޖޫރިމަނާއެއް ކްރިމިނަލް ކޯޓުން ކަނޑައަޅައިފި އެވެ.
މި ހުކުމް އާދީއްތަ ދުވަހު ކޯޓުން ކުރީ ހުޅުމާލެ ފްލެޓު 123-1-04، އާޒިމް މުހައްމަދަށެވެ. ޖޫން 20، 2026 ގައި ހުއްދަނެތި ޖަލަށް ވަތް ކަމަށް ބުނެ، އެނގިހުރެ ހުއްދަނޫން ތަނަކަށް ވަނުމުގެ ދައުވާ ދައުލަތުން އޭނާގެ މައްޗަށް ކުރުމުން، އޭނާ ވަނީ އެ ކުށަށް އިއުތިރާފުވެފައެވެ.
ކޯޓުން އޭނާއަށް ހަތަރު މަހާއި 13 ދުވަހުގެ ޖަލު އަދަބެއް ކަނޑައެޅި ނަމަވެސް، އެ މުއްދަތުގެ ބައެއް ވަނީ ބަންދުގައި ހޭދަކޮށްފައި ކަމާއި، މިފަދަ ކުށެއް ކުރިން ސާބިތުވެފައި ނުވާތީ، އަދަބު ޖޫރިމަނާއަކަށް ބަދަލުކުރަން ނިންމި އެވެ. ޖޫރިމަނާގެ ފައިސާ ހަ މަސް ދުވަހުގެ ތެރޭގައި މޯލްޑިވްސް އިންލެންޑް ރެވެނިއު އޮތޯރިޓީއަށް ދައްކަން ޖެހޭނެ އެވެ.
ކޮމެންޓު ފޮނުވާ