ޔޫއެން ސެކިއުރިޓީ ކައުންސިލްގައި ދާއިމީ ގޮނޑިއެއް ހޯދުމަށް އިންޑިއާއިން ކުރާ މަސައްކަތަށް، ވިސެގްރާޑް ގްރޫޕް (ވީ4) ގެ މެމްބަރު ގައުމުތައް ކަމަށްވާ ޕޮލެންޑް، ހަންގޭރީ، ސްލޮވާކިއާ އަދި ޗެކް ރިޕަބްލިކުން ތާއީދުކޮށްފިއެވެ.
ނިއު ޔޯކްގައި ބޭއްވުނު ޔޫއެން ޖެނެރަލް އެސެމްބްލީގެ 81 ވަނަ ޖަލްސާގެ ބަޔަކަށް ބޭއްވި ބައްދަލުވުމަށްފަހު ސްލޮވާކިއާގެ ބޭރުގެ ވަޒީރު ޔުރައި ބްލާނާރު ވިދާޅުވީ، ގްލޯބަލް ސައުތުގެ ބައެއްގެ ގޮތުގައްޔާއި އިންޑޯ-ޕެސިފިކް ސަރަހައްދުގައި ކުރިއަރަމުންދާ ބާރުވެރި ގައުމެއްގެ ގޮތުގައި، ސެކިއުރިޓީ ކައުންސިލްގެ ދާއިމީ މެމްބަރުންގެ ތެރޭގައި އިންޑިއާ ހިމެނެންޖެހޭ ކަމަށް ވީ4 ގައުމުތައް އެއްބަސްވާ ކަމަށެވެ.
‘We all agree as V4 countries that India as a part of the Global South, upcoming superpower in the Indo-Pacific region, must be at the table as the permanent member of the UN Security Council’
– Foreign Minister Juraj Blanár of Slovakia after the first V4 + India FMM #UNGA81… pic.twitter.com/QwFsjlXWYC
— Dr. S. Jaishankar (@DrSJaishankar) September 21, 2026
މިއީ ވީ4 އާއި އިންޑިއާގެ ބޭރުގެ ވަޒީރުން ބައްދަލުކުރައްވާ ފުރަތަމަ ފަހަރެވެ. އިންޑިއާގެ ބޭރުގެ ވަޒީރު ޑރ. އެސް. ޖައިޝަންކަރު ބައިވެރިވެވަޑައިގެންނެވި މި ބައްދަލުވުމުގައި، ވިޔަފާރި، ޓެކްނޮލޮޖީ، ދިފާއު، ތަޢުލީމު އަދި ސަޕްލައި ޗެއިން ފަދަ ދާއިރާތަކުގައި ގުޅިގެން މަސައްކަތްކުރުމާއި، ބައިނަލްއަގްވާމީ ޖަމާޢަތްތައް އިސްލާހުކުރުމުގެ މުހިންމުކަމާ މެދު މަޝްވަރާކުރެވުނެވެ.
ޖައިޝަންކަރު ވިދާޅުވީ، މި ބައްދަލުވުމަކީ މެދު ޔޫރަޕުގެ މި ހަތަރު ގައުމާއެކު އިންޑިއާގެ ގުޅުމުގައި އާ ބާބެއް ފެށުނު ކަމެއް ކަމަށެވެ. ކޮންމެ އަހަރަކު ބޭރުގެ ވަޒީރުންގެ ބައްދަލުވުމެއް ބޭއްވުމަށާއި، އަހަރީ ވިޔަފާރި ފޯރަމެއް ބޭއްވުމުގެ ފުރުސަތު ހޯދުމަށްވެސް ދެފަރާތުން އެއްބަސްވެފައިވެއެވެ.
ކޮމެންޓު ފޮނުވާ