މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން އޮޕަރޭޓްކުރާ އާރުޓީއެލް ފެރީ ނެޓްވޯކްގެ ދަށުން ހޮނިހިރު ދުވަހު ޝެޑިއުލްކުރި 67 ދަތުރުގެ ތެރެއިން 63 ދަތުރެއް ކާމިޔާބުކަމާއެކު ފުރިހަމަކޮށްފައިވާ ކަމަށް އެ ކުންފުނިން ބުނެފިއެވެ.
އެމްޓީސީސީގެ ޓްރިޕް ރިޕޯޓުން ދައްކާ ގޮތުގައި، ޓެކްނިކަލް މައްސަލަތަކާ ގުޅިގެން ކެންސަލްކުރެވުނު 4 ދަތުރަކީ ރޫޓް S1C3، R1C4، S2C1 އަދި S2C5ގެ ދަތުރުތަކެވެ. އެ ދުވަހުގެ ދަތުރުފަތުރުގެ ނިޒާމުގައި އެންމެ ބާރުބޮޑުކޮށް ހަރަކާތްތެރިވެފައިވަނީ އުތުރުގެ މައި ދެ ހަބު ކަމަށްވާ ރ. އުނގޫފާރާއި ހދ. ކުޅުދުއްފުށްޓެވެ. އެގޮތުން ރ. އުނގޫފާރަށް ޖުމްލަ 9 ދަތުރެއް، އަދި ހދ. ކުޅުދުއްފުށްޓަށް 8 ދަތުރެއް ވަނީ ކޮށްފައެވެ.
ރާއްޖޭގެ ރަށްތައް ހަލުވި ދަތުރުފަތުރުގެ ނިޒާމަކުން ގުޅާލުމަށް ފެށި އާރުޓީއެލް ފެރީގެ ހިދުމަތަކީ ދުވަހުން ދުވަހަށް ގިނަ ރައްޔިތުންތަކެއް ބަރޯސާވަމުން އަންނަ، ރަށްރަށުގެ އިޤްތިޞާދާއި އިޖުތިމާޢީ ގުޅުންތަކާ ބޮޑަށް ގުޅިފައިވާ މުހިންމު ހިދުމަތެކެވެ.
ކޮމެންޓު ފޮނުވާ