ފުލަމް އަތުން މޮޅުވެ ޗެލްސީ ހަމަޖެހިލައިފި

އިނގިރޭސި ޕްރިމިއާ ލީގުގައި ށުން ބޭރުގައި ފުލަމްގެ މައްޗަށް 1-0 އިން ކުރިހޯދައި ޗެލްސީން ހަމަޖެހިލައިފި އެވެ.

މެޗުގެ ބޮޑުގައި އެއް ކުޅުންތެރިއެއް މަދުކޮށް ކުޅުނު ފުލަމް އަތުން ޗެލްސީ މޮޅުކޮށްދިން ގޯލު މެޗު ނިމެން 12 މިނިޓަށް ވެފައި ހުއްޓައި ކާމިޔާބުކުރީ މޭސަން މައުންޓް އެވެ. ފުލަމްގެ ކުޅުންތެރިއަކު މަދުވީ ފުރަތަމަ ހާފުގެ ފަހު ކޮޅުގައި އެންޓޯނީ ރޮބިންސަން އަށް ރަތް ކާޑެއް ދެއްކުމުންނެވެ.

މެޗުގެ ފަހު ކޮޅުގައި ޗެލްސީގެ ޓިމޯ ވާނާ އަށް ލަނޑެއް ޖަހަން ލިބުނު ހުސް ދެ ފުރުސަތުގެ ބޭނުމެއް ވެސް ނުކުރެވުނެވެ. މި ވަގުތު ފޯމު ގެއްލިފައި ހުރި ވާނާ އެންމެ ފަހުން ލީގުގައި އެ ޓީމުން ކުޅުނު 10 މެޗުގައި ވެސް ލަނޑެއް ޖެހިފައިނުވެ އެވެ. ރޭގެ މެޗުގެ ކުރިން ޗެލްސީން ލީގުގައި އެންމެ ފަހުން ކުޅުނު ތިން މެޗުން ވެސް މޮޅެއްނުލިބެ އެވެ.

ރޭގެ ނަތީޖާއާ އެކު ޗެލްސީ ލީގުގެ ހަތް ވަނައިގައި އޮތީ 18 މެޗުން 29 ޕޮއިންޓް ހޯދައިގެންނެވެ.