ހުޅުމާލޭގެ 20 މަގެއް އެއްކޮޅަށް ދުއްވާ މަގުގެ ގޮތުގައި ހަމަޖެއްސުމުގެ މަސައްކަތްތައް އެޗްޑީސީން ފަށައިފިއެވެ.
ހައުސިންގ ޑިވެލޮޕްމެންޓް ކޯޕަރޭޝަން، އެޗްޑީސީން ބުނީ މި މަސައްކަތް އެޗްޑީސީން ފަށާފައި ވަނީ ސަރުކާރުގެ ކަމާބެގޭ އިދާރާތަކާއި މަޝްވަރާކުރުމަށްފަހު ކަމަށެވެ. އެއްކޮޅަށް ދުއްވާގޮތަށް ބަދަލުކުރުމުގެ މަސައްކަތް ފަށާފައިވާ ގިނަ މަގުތަކަކީ މައި މަގުތަކަކާއި އިންވެގެން ހުރި ގޯޅިތަކެއް ނަމަވެސް މިހާތަނަށް މި ގޯޅިތައް ހުރީ ދެކޮޅަށްވެސް ދުއްވޭގޮތަށް ދޫކޮށްލާފައެވެ.
ހުޅުމާލޭގައި އެއްކޮޅަށް ދުއްވާގޮތަށް ކަނޑައަޅާ މަގުތަކުގެ ތަފްސީލް:
ހުޅުމާލޭ ނޭބަހުޑް 2ގައި ހިމެނޭ މި 20 މަގު އެއްކޮޅަށް ދުއްވާގޮތަށް ހަމަޖެއްސުމުން ދުއްވާމީހުނަށް ލުއިފަސޭހަތަކެއް ލިބިގެންދާނެކަމަށް އެޗްޑީސީން ބުނެއެވެ.
އެޗްޑީސީން ބުނީ މި ގޮތަށް މި ބަދަލުތަށް ގެނައުމަށް ނިންމީ ހުޅުމާލޭގެ މަގުތަކަކީ އެންމެނަށްވެސް ފަސޭހަކަމާއި، އަމާންކަމާއި، ރައްކާތެރިކަމާއެކު ބޭނުންކުރެވޭނެ މަގުތަކަކަށް ހެދުމަށް ކަމަށެވެ.
