މެދުއިރުމަތީގެ ހަނގުރާމައާ ގުޅިގެން ދައުލަތުގެ ޚަރަދުތައް ކުޑަކުރުމަށްޓަކައި، ކުރިއަށް އޮތް ފިތުރު އީދުގައި ރާއްޖޭގެ ރަށްރަށުގައި އީދު ދިއްލުންތައް ނުދިއްލަން ސަރުކާރުން ނިންމައިފިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކުލަވާލައްވާފައިވާ ޚާއްޞަ ކެބިނެޓް ކޮމިޓީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި، އެ ކޮމިޓީގެ ޗެއާޕާސަން އަދި ފޮރިން މިނިސްޓަރު ޑރ. ޢަބްދުﷲ ޚަލީލް ވަނީ މި ނިންމުން ހާމަކުރައްވާފައެވެ. މިނިސްޓަރު ވިދާޅުވި ގޮތުގައި، ކެބިނެޓުން ނިންމާފައިވަނީ ރަށްރަށުގައި އީދަށް ބޮކިފަތިތައް ނުދިއްލި ނަމަވެސް، މާލެ ސަރަހައްދާއި އެހެނިހެން ސިޓީތަކުގެ ކަނޑައެޅޭ ވަކި ޚާއްޞަ ސަރަހައްދުތަކެއްގައި އީދުގެ ދިއްލުންތައް ކުރިއަށް ގެންދިއުމަށެވެ.
އީދާ ދިމާކޮށް ކުލަބޮކިތަކާއި ގިޑިގެތަކުން މާލެއާއި އެހެނިހެން ރަށްރަށުގެ މަގުތައް ޒީނަތްތެރިކުރުމަކީ، ރައީސް ޑރ. މުޢިއްޒު މާލޭގެ މޭޔަރުކަމުގެ މަގާމުގައި ހުންނެވިއިރު 2023 ވަނަ އަހަރުގެ ބޮޑު އީދާ ގުޅިގެން ފެއްޓެވި ހަރަކާތެކެވެ. އޭގެ ފަހުން މިކަން އާދަޔަކަށްވެ، މުޅި ރާއްޖޭގެ އެކި ކަންކޮޅުތަކުގައި އީދުގެ އުފާފާޅުކުރުމުގެ ގޮތުން ކުލަގަދަކޮށް ލައިޓްތައް ދިއްލަމުން އައިސްފައިވެއެވެ. ނަމަވެސް މިއަހަރު މިކަން މަހުދޫދުކުރަން ސަރުކާރުން މި ނިންމީ ދުނިޔޭގެ މަސްރަޙާ ގުޅިގެން އިޤްތިޞާދީ ގޮތުން އަޅަންޖެހޭ ރައްކާތެރިކަމުގެ ފިޔަވަޅުތަކުގެ ތެރެއިންނެވެ.
ކޮމެންޓު ފޮނުވާ