ފުލުހުންގެ އެންޓި ސްކޭމް ސެންޓަރުން ބަލަމުންދާ މައްސަލައެއްގެ ތަހުގީގަށް ހާޒިރުކުރަން ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ޗިޓު ރައްދުކުރެވިފައިނުވާތީ މީހަކު ހޯދަން ފުލުހުން މިއަދު އާންމުކޮށް އިއުލާނުކޮށްފިއެވެ.
މި މައްސަލައާ ގުޅިގެން ފުލުހުން ހޯދަމުންދަނީ ގދ. ހޯނޑެއްދޫ، ފެހިވިނަމާގެ، ޢުމުރުން 36 އަހަރުގެ އަޒުހީމް ސަޢީދެވެ. ފުލުހުން ހާމަކުރި ގޮތުގައި އޭނާ ހޯދަން އިއުލާނުކުރީ، ތަހުގީގަށް ހާޒިރުވުމަށް އަންގައި ފޮނުވި ޗިޓު، އޭނާ އުޅޭ ވަކިތަނެއް ނޭނގުމުގެ ސަބަބުން ހަވާލުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ ދަށުންނެވެ.
މި އިއުލާނުގައިވާ ގޮތުން، އަޒުހީމް ހާޒިރުކުރަނީ މައްސަލައިގެ ތުހުމަތުގައި ސުވާލުކުރުމަށެވެ. އެހެންކަމުން، އަންނަ މާރިޗު މަހުގެ 12 ވަނަ ދުވަހުގެ (2026) މެންދުރުފަހު 14:00 އަށް، ސާޖަންޓް އާދަމް ޙަލީމް ކުރިމިނަލް އިންވެސްޓިގޭޝަން ބިލްޑިންގއަށް އޭނާ ހާޒިރުވުމަށް ފުލުހުން ވަނީ އަންގާފައެވެ.
ކޮމެންޓު ފޮނުވާ