މީހަކު މަރާލާނެ ކަމަށް ބުނެ ބިރުދައްކައި އިންޒާރު ދިން ކަމުގެ ތުހުމަތުގައި ހައްޔަރުކުރި މީހެއްގެ ބަންދަށް ކްރިމިނަލް ކޯޓުން 15 ދުވަސް މިއަދު ޖަހައިފި އެވެ.
މި މައްސަލައިގައި ފުލުހުން ހައްޔަރުކޮށްފައިވަނީ ހއ. ހޯރަފުށީ، ނޫވިލްގެ، އުމުރުން 43 އަހަރުގެ އަޙްމަދު ފައިރިޝް އެވެ. އޭނާގެ ބަންދާމެދު ގޮތެއް ނިންމުމަށް މިއަދު ކޯޓަށް ހާޒިރުކުރުމުން، މައްސަލަ ބެއްލެވި ގާޒީ ޢަލީ ނަދީމް ވަނީ އޭނާގެ ބަންދަށް 15 ދުވަހުގެ މުއްދަތެއް ދެއްވާފަ އެވެ. ކޯޓު އަމުރުން އެނގޭ ގޮތުގައި، ފައިރިޝް އެހެން މީހަކަށް އަނިޔާކުރާނެ ކަމުގެ އިންޒާރު ދީފައިވާކަން ހެކިންގެ ބަޔާންތަކުން އެނގެން އޮވެ އެވެ.
ފައިރިޝް އަކީ ކުށުގެ ރެކޯޑު އޮންނަ މީހެއްކަން ފާހަގަކޮށް ކޯޓު އަމުރުގައި ބުނެފައިވަނީ، މާރާމާރީ ހިންގުމާއި ބިރުދެއްކުން ފަދަ ގިނަ އަދަދެއްގެ މައްސަލަތަކުގައި އޭނާ މީގެ ކުރިން ވެސް ހައްޔަރުކޮށްފައިވާ ކަމަށެވެ. އެހެންކަމުން، އޭނާ އިންޒާރުދީފައިވާ ފަދައިން އަނިޔާއެއް ދިނުމުގެ އިހްތިމާލު އޮތްކަމަށް ޝަރީއަތަށް ފެނެ އެވެ.
މިކަންކަމަށް ރިއާޔަތްކޮށް ގާޒީ ނެރުއްވި އަމުރުގައި ބަޔާންކޮށްފައިވަނީ، ފައިރިޝް މިނިވަންކޮށް ދޫކޮށްލައިފިނަމަ މުޖުތަމަޢުގެ ސަލާމަތަށް ނުރައްކަލެއް ކުރިމަތިވެދާނެ ކަމަށްޓަކައި، ޤާނޫނުއަސާސީ އާއި ޖިނާއީ އިޖުރާއަތުގެ ޤާނޫނުގެ ދަށުން އޭނާ ބަންދުގައި ބަހައްޓަން ޖެހޭ ކަމަށެވެ. މި މައްސަލައާ ގުޅިގެން ފައިރިޝްގެ ފޮޓޯއާއި ވަނަވަރު ފުލުހުން އަދި ރަސްމީކޮށް ހާމަކޮށްފައެއް ނުވެ އެވެ.
ކޮމެންޓު ފޮނުވާ