ވެނެޒުއޭލާގެ ރައީސް ނިކޮލަސް މަޑޫރޯ އެމެރިކާގެ ނިއުޔޯކުގައި ހުންނަ ޖަލެއްގައި ބަންދުކޮށްފައިވާ ކަމަށް އެމެރިކާގެ މީޑިއާތަކުން ރިޕޯޓްކޮށްފިއެވެ. މަޑޫރޯ މިހާރު ބަންދުކޮށްފައި ވަނީ ބްރޫކްލިންގައި ހުންނަ މެޓްރޮޕޮލިޓަން ޑިޓެންޝަން ސެންޓަރުގައެވެ. މި ފެސިލިޓީގައި ގިސްލައިން މެކްސްވެލް އާއި ޕީ ޑިޑީ ފަދަ މަޝްހޫރު ބައެއް ފަރާތްތައް ވެސް ހިމެނެއެވެ.
އިއްޔެ މަޑޫރޯ އެމެރިކާގެ އަސްކަރީ މަރުކަޒަކަށް ބަދަލުކުރެއްވުމަށް ފަހު، ނިއުޔޯކުގައި ހުންނަ ޑްރަގް އެންފޯސްމަންޓް އެޑްމިނިސްޓްރޭޝަންގެ އޮފީހަށް ހާޒިރުކުރިއެވެ. އެތަނުގައި މަސްތުވާތަކެތީގެ މައްސަލައާއި ހަތިޔާރުގެ މައްސަލައިގައި އޭނާގެ މައްޗަށް ރަސްމީކޮށް ދައުވާ އުފުލާފައި ވެއެވެ. މަސްތުވާތަކެތީގެ ބޮޑު ނެޓްވޯކެއްގެ އިސްވެރިއެއްގެ ގޮތުގައި މަސައްކަތްކުރާ ކަމަށް ކުރެވޭ ތުހުމަތުތަކަށް މަޑޫރޯ މީގެ ކުރިން އިންކާރު ކޮށްފައިވެއެވެ. މަޑޫރޯގެ އަނބިކަނބަލުންނާއެކު ފަނޑިޔާރުގެ ކުރިމައްޗަށް ހާޒިރު ކުރުމަށް ހަމަޖެހިފައިވާ ތާރީހެއް އަދި ހާމަކޮށްފައެއް ނުވެއެވެ.
ކޮމެންޓު ފޮނުވާ