ވެނެޒުއޭލާގެ ރައީސް ނިކޮލަސް މަދޫރޯ އާއި އެމަނިކުފާނުގެ އަނބިކަނބަލުން ސިލިއާ ފްލޯރެސް ހައްޔަރުކުރީ ދެމަފިރިން ނިދާފަތިއްބާ، ދަމާ ކޫއްތާފަކަމަށް މަޑޫރޯ ހައްޔަރުކުރުމަށް ހިންގި ރޭޑްގެ މައުލޫމާތު އެނގިހުރި ފަރާތަކުން ސީއެންއެންއަށް މައުލޫމާތު ދީފިއެވެ. އެފަރާތުން ބުނެފައިވަނީ މަޑޫރޯގެ ބެޑްރޫމަށް އެމެރިކާގެ ސްޕެޝަލް ފޯސްއިން ވަދެފައިވަނީ ދެމަފިރިން ނިދާފައި ތިއްބާ ކަމުގައެވެ.
އެމެރިކާ އަސްކަރިއްޔާގެ ބާރުގަދަ ޑެލްޓާ ފޯސްއިން ހިންގި މި ރޭޑުން އެމެރިކާ ސިފައިންގެ ފަރާތުން އެއްވެސް މީހަކަށް އަނިޔާއެއް ވެފައި ނުވާ ކަމަށް އެމެރިކާގެ ރަސްމީ ފަރާތަކުން ބުނެފައި ވެއެވެ.
މީގެކުރިން ޓްރަމްޕް ވަނީ ވެނެޒުއާލާއިން ހިންގަމުންދާ ޑްރަގް ޓްރެފިކިންގެ ނެޓްވާކްތަކާއި ދެކޮޅަށް ހަރުކަށި ފިޔަވަޅުތައް އެޅުމަށް އެގައުމުން ދަނީ ތައްޔާރު ވަމުންނެވެ. އަދި އެމެރިކާގެ އަސްކަރިއްޔާއިން ވަނީ ކަނޑުމަގުން އެމެރިކާއަށް މަސްތުވާތަކެތި އުފުލަމުން ދިޔަ އެތައް އުޅަނދަކަށް ބުނެ ވައިގެ ހަމަލާތަކެއް ދީފައެވެ.
އެމެރިކާއިން ފާއިތުވެދިޔަ ތަނުގައި ވަނީ މަޑޫރީ ހައްޔަރު ކުރެވޭނެފަދަ މައުލޫމާތު ފޯރުކޮށްދިން ފަރާތަކަށް 50 މިލިއަން ޑޮލަރުގެ ފައިސާގެ އިނާމުވެސް ހުށަހަޅާފައެވެ.
ފާއިތުވި ހަފްތާގައި ދިން އިންޓަވިއުއެއްގައި މަޑުރޯވަނީ ޑްރަގް ޓްރެފިކިންގެ މައްސަލާގައި އެމެރިކާއާއި ވާހަކަދައްކަވަން ތައްޔާރަށް ހުނެވިކަމަށް ވިދާޅުވެފައެވެ. އޭނާ ވިދާޅުވެފައިވަމީ އެމެރިކާއިން ބޭނުން ތަނެއްގައި، ބޭނުން ވަގުތެއްގައި މަޝްވަރާތައް ކުރިޔަށް ގެންދަވަން ތައްޔާރަށް ހުންނެވި ކަމަށެވެ.
ކޮމެންޓު ފޮނުވާ