ކުރީގެ ރައީސް އިބްރާހީމް މުހައްމަދު ޞާލިޙާއި ކުރީގެ ރައީސް މުހައްމަދު ނަޝީދު މިއަދު ވިދާޅުވީ ކުރީގެ ރައީސް އަބްދުﷲ ޔާމީން އަބްދުލްގައްޔޫމާ އެކު މަސައްކަތް ކުރަން ބޭނުންވާ ކަމަށާއި އެ މަނިކުފާނާ އެކު މަސައްކަތް ކުރެވޭނެ ގޮތެއް ހޯދޭނެ ކަމަށް ގަބޫލުކުރައްވާ ކަމަށެވެ.
ދެ ބޭފުޅުން މިއަދު ބައްދަލުކުރެއްވުމަށް ފަހު ބޭއްވި ނޫސްވެރިންގެ ބައްދަލުވުމުގައި ނަޝީދު ވިދާޅުވީ ރައީސް މައުމޫން އަރިހުގައި ވެސް މަސައްކަތް ކުރެވުނު ކަމަށެވެ. ޞާލިޙް ވިދާޅުވީ މިހާރު ގައުމު އޮތް ހާލަތުން ކުރަން ޖެހޭ ބައިވަރު މަސައްކަތްތައް އެބަހުރި ކަމަށާއި އެ ކަންތައްތައް ކުރުމުގައި ރައީސް ޔާމީންގެ ހިއްސާއެއް ހިމެނުން އެދޭ ކަމެއް ކަމަށެވެ.
ނަޝީދާއި ޞާލިޙް ބައްދަލުކުރައްވައި ވާހަކަދައްކަވަނީ ދެ ބޭފުޅުންގެ ގުޅުން 2023 ގެ ރިޔާސީ އިންތިޚާބާ ދިމާކޮށް ގޯސްވެ، އެމްޑީޕީގައި ދެ ފެކްޝަނެއް އުފެދިފައިވާ ދަނޑިވަޅެއްގައެވެ. ދެ ބޭފުޅުން މިއަދު ވިދާޅުވީ 2028 ގެ ރިޔާސީ އިންތިޚާބުގެ ކެންޑިޑެސީގެ ވާހަކަ ދެއްކުން މިވަގުތަށް މަޑުޖައްސާލައިފައި ބާއްވަން އެއްބަސްވެވަޑައިގަންނަވާ ކަމަށެވެ. މީގެ ކުރިން ޔާމީން ވިދާޅުވެފައި ވަނީ އެމްޑީޕީއާ އެކު މަސައްކަތް ކުރުމަކީ ވާނެ ކަމެއް ނޫން ކަމަށާއި އެ ޕާޓީއާ ފިކުރު ތަފާތު ކަމަށެވެ.
ކޮމެންޓު ފޮނުވާ