ރައްޔިތުންނާއެކު ސިލްސިލާކޮށް ބާއްވަމުންގެންދަވާ ބައްދަލުކުރެއްވުންތަކުގެ ތެރެއިން، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު މިރޭ ހުޅުމާލެ ފުރަތަމަ ފިޔަވަހީގެ ރައްޔިތުންނާ ބައްދަލުކުރައްވަން ނިންމަވައިފިއެވެ. މިބައްދަލުކުރެއްވުން ބާއްވަވާނީ މިރޭ 20:30 ގައި ރެހެންދި ސްކޫލްގައެވެ.
ރައްޔިތުންގެ ކަންބޮޑުވުންތައް އައްސަވައި، އެކަންކަމަށް ހައްލު ހޯއްދަވައިދިނުމުގެ މަޤްޞަދުގައި ރައީސް ގެންދަވަނީ މިފަދަ ބައްދަލުކުރެއްވުންތައް ރާއްޖޭގެ އެކި ސަރަޙައްދުތަކުގައި ބާއްވަވަމުންނެވެ. މިބައްދަލުކުރެއްވުމަށް ހުޅުމާލޭގެ ފުރަތަމަ ފިޔަވަހީގައި ދިރިއުޅޭ ހުރިހާ ރައްޔިތުންނަށް ސަރުކާރުން ދަޢުވަތު އަރުވާފައިވެއެވެ. މިބައްދަލުކުރެއްވުންތަކުގައި ރައީސް ދަނީ ރައްޔިތުންގެ މައްސަލަތައް ކަމާގުޅުންހުރި މުއައްސަސާތަކާ ހަވާލުކުރައްވައި، އެކަންކަމަށް ހައްލުތައް ހޯއްދަވައިދެއްވަމުންނެވެ. ސަރުކާރުން ބުނާގޮތުގައި މިބައްދަލުކުރެއްވުންތަކަކީ ވަރަށް ކާމިޔާބު ބައްދަލުކުރެއްވުންތަކެކެވެ.
ކޮމެންޓު ފޮނުވާ