މޫސުން ގޯސްވާނެކަމަށް ލަފާކޮށް މޯސަމާބެހޭ ޤައުމީ އިދާރާއިން ބ އަތޮޅުން ފެށިގެން ލ އަތޮޅަށް ހުދު ސަމާލު ނެރެފިއެވެ. މޯލްޑިވްސް މީޓިއޮލޮޖިކަލް ސެންޓަރ (މެޓް) އިން މި ސަމާލު ނެރެފައިވަނީ މިއަދު 11:00 ހާއިރަށެވެ.
މެޓުން ބުނީ ހުދު ސަމާލް ނެރެފައިވާ ސަރަހައްދުތަކަށް ބޯކޮށް ވާރޭވެހި ގުގުރައި އަދި ވިލާގަނޑުގައި ވައި ގަދަވާނެކަމަށެވެ. އެގޮތުން ގަޑިއަކު 40 މޭލު ބާރުމިނުގައި ވައިޖެހޭނެކަމަށް ލަފާކުރެވިފައިވެއެވެ.
ރާއްޖެއަށް އިރުވައި މޫސުން ފެށުނު ނަމަވެސް މިހާރު މޫސުން ދައްކަނީ ވަރަށް ގޯސްކޮށެވެ. މިއީ ރާއްޖެއަށް އޮންނަ ދެ މޫސުމުގެ ތެރެއިން އިރުވައި މޫސުމަކީ ޖަނަވަރީ މަހުން ފެށިގެން މާރިޗް މަހުގެ ނިޔަލަށް ދެމިގެންދާ މޫސުމެވެ. މޫސުން ގޯސްވެ އިއްޔެވެސް ރާއްޖޭގެ އެކި ސަރަހައްދުތަކަށް މޫސުމީ އިންޒާރުތައް ނެރިފައިވެއެވެ.
ކޮމެންޓު ފޮނުވާ