އޮތެންޓިކް މޯލްޑިވްސްގައި ރަޖިސްޓްރީވެފައިވާ ފަރާތްތަކަށް އަލީބާބާ މެދުވެރިކޮށް ދިވެހި މުދާ ވިއްކޭނެ ގޮތް ހަމަޖައްސައިފައިވާނެކަން ރައީސް ޑރ. މުހައްމަދު މުއިއްޒު ހާމަކުރައްވައިފިއެވެ.
ކުދި އަދި މެދު ފަންތީގެ ވިޔަފާރިވެރިންނާއި އިއްޔެ ބޭއްވި ބައްދަލުވުމުގައި ރައީސް ވިދާޅުވީ ބައިނަލްއަގުވާމީ ބާޒާރުގައި ދިވެހި އުފެއްދުންތައް ވިއްކޭނެ މަގު މިހާރު ފަހިވެފައިވާކަމަށެވެ. އޮތެންޓިކް މޯލްޑިވްސްގައި ރަޖިސްޓްރީކޮށްފައިވާ 400 ވެންޑަރުންނަށް އަލީބާބާގައި މުދާ ވިއްކުމުގެ އެކްސެސް މިހާރު ލިބިފައިވާކަމަށް ރައީސް ފާހަގަކުރެއްވިއެވެ.
ބޭރުން ފައިސާ ގެނައުމާއި ފޮނުވުމުގައި ހުރި ދަތިތައް ހައްލުކުރުމަށް ވެސް ސަރުކާރުން މަސައްކަތް ކުރަމުންދާކަމަށް ރައީސް ވިދާޅުވިއެވެ. ޕޭޕަލްއާއެކު ވެސް ބޮޑު ކުރިއެރުމެއް ލިބިފައިވާކަމަށާއި އުއްމީދަކީ ޖެނުއަރީ މަހު އެ މަސައްކަތް ނިމި ރައްޔިތުންނަށް ހިދުމަތް ފޯރުކޮށްދެވިގެންދިއުން ކަމަށް ރައީސް ވިދާޅުވިއެވެ. ދިވެހި ވިޔަފާރިތަކަށް ފަހި ފުރުސަތުތަކެއް ފޯރުކޮށްދެއްވާނެކަމުގެ ޔަގީންކަން ރައީސް ވިޔަފާރިވެރިންނަށް ދެއްވިއެވެ.
ކޮމެންޓު ފޮނުވާ