ހުޅުމާލެއިން ޓޯވކުރާ އުޅަނދުތައް އަނބުރާ ދޫކުރާއިރު، އެ އުޅަނދެއް ރަޖިސްޓްރީކޮށްފައިވާ ޒޯނަށް ގެންދާކަން ކަށަވަރުކުރާނެކަމަށް ފުލުހުން ބުނެފިއެވެ.
ފުލުހުން މިއަދު ހާމަކުރި ގޮތުގައި ހުޅުމާލޭގެ ހުސް ބިންތަކާއި މަގުތަކުގައި ގަވާއިދާ ޚިލާފަށް ޕާކުކޮށްފައިވާ އުޅަނދުތަކާއި، ރަޖިސްޓްރީނުކޮށް ހުރި އުޅަނދުތައް ޓޯވކޮށް ދޫކުރުމުގެ މަސައްކަތް ހުޅުމާލެ ފޭސް 1 ޕޮލިސް ސްޓޭޝަނުން ދަނީ ކުރަމުންނެވެ. އުޅަނދު އަނބުރާ ހޯދުމަށް ވެރިފަރާތުން ޖެހޭނީ ޓްރެފިކް ޖޫރިމަނާތައް ދައްކައި، ޕޮލިސް ސްޓޭޝަނުން ސްލިޕް ނެގުމަށްފަހު ތިލަފުއްޓަށް ދާށެވެ.
ޓޯވކުރާ ތަނުން އެހެން ތަނަކަށް އުޅަނދު ގެންދިއުމުގެ ޒިންމާ އުފުލަންޖެހޭނީ ވެރިފަރާތުންކަމަށް ފުލުހުން ބުންޏެވެ. ވެރިފަރާތުން ނުގެންގޮސް ހުންނަ އުޅަނދުތައް ހަތް ދުވަސް ފަހުން އާންމުކޮށް އިއުލާންކޮށް، ހަވާލުވުމަށް 60 ދުވަހުގެ މުހުލަތެއް ދޭނެއެވެ. އެ މުއްދަތުގައި ހަވާލުނުވާ އުޅަނދުތައް ގާނޫނާ އެއްގޮތަށް ނައްތާލާނެކަމަށްވެސް ފުލުހުން ވަނީ ބުނެފައެވެ.
ކޮމެންޓު ފޮނުވާ