ފެނަކަ ކޯޕަރޭޝަނުން ދޭ ހިދުމަތްތަކުގެ ބިލްތަކުން ސަބްސިޑީ ލިބޭނެ ކަމަށް ބުނެ އެ ކުންފުނީގެ ނަމުގައި މީސް މީޑިއާގައި ފޭކް ޕޭޖެއް ހިންގަމުންދާ ކަމަށް ފެނަކައިން ބުނެފިއެވެ.
އެ ކުންފުނިން މިރޭ ނެރުނު ބަޔާނެއްގައި ބުނީ މި ޕޭޖާ އެ ކުންފުންޏާ އެއްވެސް ގުޅުމެއް ނެތް ކަމަށެވެ. އަދި ފެނަކައިން އެއްވެސް ފަރާތަކަށް ލިންކް ފޮނުވައިގެން ފައިސާގެ މުއާމަލާތް ނުކުރާނެ ކަމަށާއި، ފައިސާގެ ކަންކަން ކުރާނީ ހަމައެކަނި ކުންފުނީގެ ރަސްމީ އެކައުންޓްތައް މެދުވެރިކޮށް ކަމަށްވެސް ބުންޏެވެ.
ފެނަކައިން ވަނީ އޮޅުވާލައިގެން ފައިސާ ހޯދުމަށް ހިންގާ މިފަދަ ކަންކަމަށް ރައްޔިތުން ސަމާލުވެ، އެފަދަ ލިންކެއް ނުވަތަ ކޯލެއް އައިސްފި ނަމަ ވީ އެންމެ އަވަހަކަށް ކަމާ ބެހޭ ފަރާތްތަކަށް ރިޕޯޓް ކުރުމަށް އިލްތިމާސްކޮށްފައެވެ.
ކޮމެންޓު ފޮނުވާ