ނިއު ޔޯކުގެ އިންތިހާބީ މޭޔަރު ޒަހްރާން މަމްދާނީ ހައްޔަރުކުރާނެ ކަމަށް އިންޒާރު ދީފައި ވީ ނަމަވެސް ނިއު ޔޯކް ދަތުރު ކެންސަލް ނުކުރާނެ ކަމަށް އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ބުނެފި އެވެ.
ނިއު ޔޯކް ޓައިމްސް އަށް ދިން އިންޓަވިއުއެއްގައި ނަތަންޔާހޫ ބުނީ މަމްދާނީ އިޒްރޭލު އޮތުމުގެ ހައްގު ގަބޫލުކުރައްވައިފި ނަމަ ބައްދަލުކުރެވިދާނެ ކަމަށެވެ. ނަމަވެސް މަމްދާނީ މީގެ ކުރިން ވެސް ވަނީ އިޒްރޭލަށް ދައުލަތެއްގެ ގޮތުގައި އޮތުމުގެ ހައްގު އޮންނާނެ ކަމަށް ވިދާޅުވެފަ އެވެ. އެކަމަކު ވަކި ދީނަކަށް ނުވަތަ ނަސްލަކަށް ހާއްސަ ދައުލަތެއް އޮތުމާ އޭނާ ދެކޮޅެވެ.
ޣައްޒާގެ ހަނގުރާމައިގެ މައްސަލައިގައި އައިސީސީން ނަތަންޔާހޫ ހައްޔަރުކުރަން މިދިޔަ އަހަރު ނެރުނު އަމުރު ތަންފީޒުކުރާނެ ކަމަށް މަމްދާނީ ކެމްޕެއިން ތެރޭގައި ވައުދުވެފައި ވެ އެވެ. އެމެރިކާ އާއި ރަޝިޔާ އަކީ އައިސީސީގެ މެންބަރު ގައުމުތަކެއް ނޫން ކަމުން މި އަމުރު ތަންފީޒުކުރެވޭނެ ކަމާ މެދު ސުވާލު އުފެދެ އެވެ. އަދި ރައީސް ޓްރަމްޕު ވެސް ވަނީ އެ އަމުރަށް ފާޑު ވިދާޅުވެ އިޒްރޭލު ދިފާއުކޮށްފަ އެވެ.
ކޮމެންޓު ފޮނުވާ